Шымкент: Тұрғындар жолдың жартысын істемеген әкімдікке ренжулі

Шымкент қаласындағы Қапал батыр көпірінің маңындағы жолдың аз ғана бөлшегі жөндеусіз қалғандығы жөнінде тұрғындар шағымданған болатын. Шынында да екі көшенің қиылысындағы жолға жөндеу жұмыстары жүргізілмеген. Ал, қалалық автомобиль жолдары және транспорт басқармасы Инстаграм әлеуметтік желісінде тұрғындарға бұл жолдың құрылыс жұмыстары әлі бітпегендігі жөнінде айтқан. Алайда, тұрғындар басқарманың бұл жауабына сенімсіздік танытып отыр.