Қарқаралыда бейнебақылау камераларын монтаждау жұмыстары жүріп жатыр.
Қазірдің өзінде 60 құрылғы орнатылған, тағы 39 құрылғы қосылуға дайындалуда.
Камералар қоғамдық орындарда, жол қиылыстарында, жол бойында, ескерткіштердің жанында, қалаға кіретін және шығатын жерлерде, сондай-ақ адамдар көп жиналатын аймақтарда орналастырылады.
Олардың басты мақсаты – құқық бұзушылықтың алдын алу және қылмыс деңгейін төмендету.
Қазіргі заманғы камералар алдыңғы қатарлы функциялармен, соның ішінде бет пен автомобильдерді танумен жабдықталған.
Барлық ақпарат аудандық полиция бөлімінің жедел әрекет ету орталығына келіп түседі, онда қызметкерлер тәулік бойы қоғамдық тәртіпті қадағалайды.
