16 шағын ауданының 11,13 көпқабатты үйлерін аралап, тұрғындармен кездестім. Кездесу барысында тұрғындарға Қазақстан Республикасының Президенті Қ.К.Тоқаевтың «Халық үніне құлақ асатын мемлекет» тұжырымдасына сәйкес «Халық қатысатын бюджет» жобасы жүзеге асырылып келетіндігін түсіндірдім. Бұл туралы Шымкент қаласы Еңбекші ауданының әкімі Досбол Есілбек әлеуметтік парақшасында жазба қалдырған, деп хабарлайды «no-comment» ақпараттық агенттігі.
Еңбекші ауданының әкімі: жобаның мақсаты - жергілікті бюджет қаражатын бөлу процесіне қала тұрғындарын қатыстыру арқылы қалалық бюджетті қалыптастырудың ашықтығын, қолжетімділігін қамтамасыз ету болып табылады. Бұл дегеніміз тұрғындарымыз өз ауласын абаттандыруға, балалар ойын алаңшаларын жаңалауға, жалпы аудан аумағын дамыту, жақсарту жөніндегі ұсыныстарын береді және ол басқа тұрғындар тарапынан қолдау тауып, жоғары дауыс жинаса, мемлекет тарапынан қаржы бөлініп, іске асырылады.
