2025 жылы Алматыдағы «Инновациялық технологиялар паркі» арнайы экономикалық аймағында 450 жаңа жұмыс орнын құратын 7 жоба іске қосылады. Олардың қатарында «Kaspi Cloud» және «МедПроФарм» бар.
Бүгінде АЭА-да 12 жоба салынып жатыр, оның 8-і — медицина және фармацевтика саласында. 2024 жылы мұнда 6 760 жұмыс орны құрылып, 218,1 млрд теңгенің өнімі өндірілді. Қазір аймақта 182 компания жұмыс істейді.
АЭА – Алматының технологиялық және өндірістік өсуінің өзегі. Жаңа жобалар білікті кадрларға сұранысты арттырып, қаланы өңірлік инновациялық орталыққа айналдыруда маңызды рөл атқарады.
No-comment.kz