Түркістан қаласында Анықтау басқармасының тапсырмасына сәйкес, құрылымдық және аумақтық бөлімшелердің басшылық құрамы мен жеке құрамына арналған арнайы оқыту отырысы өтті. Іс-шараның басты мақсаты – төтенше жағдайлар саласындағы қызметкерлердің заманауи ақпараттық жүйелермен жұмыс істеу дағдыларын жетілдіру және цифрлық технологияларды тиімді қолдану арқылы жұмыс сапасын арттыру.
Отырыста Түркістан облысы Төтенше жағдайлар департаментінің бастығы, азаматтық қорғау полковнигі А. Түлешев сөз сөйлеп, қазіргі уақытта ақпараттық жүйелерді дұрыс пайдалану әрбір бөлім басшысы мен маман үшін маңызды міндет екенін атап өтті. Ол қызметтің ашықтығы мен тиімділігін қамтамасыз ету үшін цифрлық платформалармен сауатты жұмыс істеу қажеттігін баса айтты. Сонымен қатар, ол бұл бағыттағы жұмыстың тек техникалық қана емес, стратегиялық маңызы бар екенін атап өтті.
Іс-шара барысында Анықтау басқармасының мамандары қатысушыларға арналған практикалық түсіндіру жұмыстарын жүргізді. Қызметтік құжат айналымы, жедел есеп беру, тергеп-тексеру материалдарын тіркеу, ведомстволық жүйелерге ақпаратты дұрыс енгізу сияқты негізгі бағыттар қамтылды. Жиналған қызметкерлерге нақты мысалдар келтіріліп, жүйеде жиі кездесетін қателіктер мен оларды болдырмау жолдары түсіндірілді.
Қазіргі таңда құрылымдарында ақпараттық жүйелер арқылы тергеу амалдары, құқық бұзушылықтарды тіркеу, ішкі бақылау және жедел әрекетке көмек көрсету бойынша бірқатар цифрлық сервистер қолданылады. Бұл – ел көлеміндегі жалпы цифрландыру процесінің бір бөлігі. Сол себепті әрбір қызметкердің ақпараттық сауаттылығы – қауіпсіздік саласындағы заманауи талаптардың ажырамас бөлігіне айналып отыр.
Отырыс кезінде тәжірибелі қызметкерлер өз тәжірибелерімен бөлісіп, ақпараттық жүйелерді күнделікті жұмыс процесінде қалай тиімді пайдаланып жүргендері туралы пікір алмасты. Сонымен қатар, қатысушылар арасында интерактивті сұрақ-жауап форматында пікірталас ұйымдастырылып, туындаған нақты мәселелерге мамандар жауап берді.
Цифрлық сауаттылықты арттыру – тек техникалық міндет емес, ол басқару сапасын арттыруға, деректердің ашықтығы мен өзектілігін қамтамасыз етуге тікелей әсер етеді. Әсіресе, төтенше жағдайлар кезінде жедел ақпарат алмасу, материалдарды дұрыс тіркеу және шешім қабылдауда деректерге сүйену – өмірлік маңызды факторлар болып табылады. Сондықтан да мұндай оқыту іс-шаралары Түркістан қаласы Төтенше жағдайлар басқармасы үшін басым бағыттардың бірі ретінде тұрақты өткізіліп тұрады.
Қорытынды бөлімде Департамент басшысы А. Түлешев қатысушыларға нақты тапсырмалар беріп, алдағы уақытта ақпараттық жүйелермен жұмыс істей алатын кәсіби кадрлар пулын қалыптастыру қажеттігін атап өтті. Ол сондай-ақ, осындай оқыту жиындарын тұрақты негізде ұйымдастыруды тапсырды. Бұл өз кезегінде қызмет сапасын арттыруға, есеп-қисап пен бақылауды күшейтуге, сондай-ақ оқыс оқиғалар кезінде жылдам әрі нақты шешім қабылдауға мүмкіндік береді.
Қазіргі уақытта ТЖМ қызметкерлері тек физикалық дайындықпен ғана емес, цифрлық құралдарды меңгеруімен де ерекшеленуі тиіс. Ақпараттық жүйелермен жұмыс істеу – болашақ құтқару операциялары мен төтенше жағдайлардың алдын алудағы басты құралдардың бірі. Осы орайда, Анықтау басқармасы кәсіби даму бағытында нақты әрі жүйелі қадамдар жасап келеді.
