Шымкентте Төтенше жағдайлар департаментінің қызметкерлеріне, олардың отбасыларына, сондай-ақ азаматтық қорғау органдарының ардагерлеріне арналған өңірдегі алғашқы мамандандырылған медициналық орталық жұмысын бастады, деп хабарлайды No-comment.kz - ҚР Төтенше жағдайлар министрлігіне сілтеме жасап.
ҚР Төтенше жағдайлар министрі Шыңғыс Әрінов жаңа нысанды ашты. Жоба құтқарушыларды әлеуметтік қолдауды күшейту жөніндегі ведомстволық бағдарлама шеңберінде іске асырылды.
Ғимарат күрделі жөндеуден және толық жаңғыртудан өтті. Үй-жайлар, инженерлік коммуникациялар және медициналық жабдықтар жаңартылды.
Орталықта терапевт, психолог және басқа да мамандар жұмыс істейді. Қабылдау кәсіптің жоғары жүктемелері, стресс және жарақаттан кейінгі жағдайлар сияқты ерекшелігін ескере отырып жүзеге асырылады. Қызметкерлерге, олардың отбасыларына және ардагерлерге медициналық көмек тегін.
«Осындай медициналық орталықтар еліміздің барлық өңірлерінде болуы керек. Біз осы бағытта жұмыс жасап жатырмыз. Құтқарушылар мен олардың отбасыларының денсаулығына қамқорлық жасау – біздің жұмысымыздың басымдығы», - деп Шыңғыс Әрінов атап өтті.
Орталықтың ашылуы ведомстволық қолдаудың басқа да шараларын толықтырады: азаматтық қорғау жүйесін жаңғыртудың кешенді бағдарламасы шеңберінде тұрғын үй, нысанды киім-кешек пен заманауи техника беріледі.
