Шымкент қалалық мәслихат депутаты, «AMANAT» фракция мүшесі Шыңғыс Қозбахов №4 сайлау округі Отырар шағын ауданының тұрғындарымен кездесу өткізді, деп хабарлайды NO-COMMENT.KZ ақпарат агенттігі.
Кездесуде тұрғындар халық қалаулысына шағын аудандағы шешемін күткен мәселелер бойынша өтініштерін, талап-тілектері мен ұсыныстарын жеткізді. Атап айтсақ, шағын аудандағы көпқабатты тұрғын үйлердің аулаларын абаттандыру, балалар ойын алаңшасын салу, ішкі жолдарды орташа жөндеуден өткізу бойынша мәселелер қозғалды.
Аталған мәселелер тұрғындарға Шымкент қаласының даму жоспарына сәйкес ағымдағы жылы тиісті жұмыстар атқарылып, бірқатар мәселелер оң шешілетіні айтылды.
Сонымен қатар, «AMANAT» партиясының Шымкент қаласы бойынша 2023-2027 жылдарға арналған «Халықпен бірге!» атты Сайлауалды бағдарламасын жүзеге асыру тетіктері талқыланды.
Еске салар болсақ, «Біздің бағдарлама – қоғамда әбден қайнап, пісіп-жетілген проблемаларды шешудің нақты жолы, нақты жоспары. Өткен жылдың өзінде партия өңірлерде, ауыл-аймақта мыңдаған кездесу өткізіп, тұрғындардан 200 мыңнан астам ұсыныс-пікір жинаған болатын. Халықты толғандырған мәселелерді мұқият талдап, жүйелендіре келе 10 негізгі бағыттан тұратын құжатты әзірледік. Одан әрбір отандасымыз өзі үшін өзекті мәселелердің жауабын таба алады», – деген еді «AMANAT» партиясының Төрағасы.
Жер комиссиясының функциялары жер учаскелеріне құқықтар беру туралы (шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалдау) құқығын беру жөніндегі конкурс жеңімпазын айқындау туралы), жер учаскелерінің нысаналы мақсатын өзгерту туралы және су қорының жерін басқа санаттардағы жерге ауыстыру туралы өтініштерді (өтінімдерді) қарау және қорытындылар дайындау болып табылады. Комиссия өз құзыретіне кіретін мәселелер бойынша мемлекеттік органдардан жер учаскесінің бары немесе жоғы туралы, жер учаскесіне ауыртпалық туралы, заңды тұлғалардың жарғылық капиталында шетелдіктердің үлесі бары немесе жоғы туралы, су қорғау аймақтары мен белдеулерінің пайдаланылу режимі туралы мәліметтерді сұратуға және алуға құқылы.
ФРАКЦИЯ МҮШЕСІ ТҰРҒЫНДАРМЕН КЕЗДЕСУ ӨТКІЗДІ
