Бүгін аудан басшысы Арман Абдуллаев Сарыағаш қаласының тұрғындарымен кездесу жиынынан соң, тұрғындар өтінішіне сәйкес №78 жалпы орта мектебі ғимаратының жанындағы мемлекет меншігіндегі жерге арнайы барып аралап көрді.
Мәселенің мән-жәйымен танысқан аудан басшысы, тұрғындарға көтерілген мәселе бойынша алдағы уақытта зерттеу зерделеу жұмыстары жүргізілетінін жеткізді.
Содан соң, аудан басшысы Сарыағаш қаласы, Самал-3 мөлтек ауданында салынып жатқан балалар ойын алаңшасы мен спорт алаңшасының құрылысымен танысты.
Айта кетсек, бүгінгі таңда аталған ойын алаңшасы мен спорт алаңшасының құрылысы мердігер мекеме тарапынан жүргізілуде. Құрылыс жұмыстарын ағымдағы жылдың қазан айында аяқтап, тұрғындар игілігіне пайдалануға беру жоспарлануда.
Айта кетеін, Қазақстан Республикасы Президентінің 2019 жылғы 2 қыркүйектегі Қазақстан халқына Жолдауында Мемлекет басшысы «Азаматтардың барлық сындарлы сауалдарына жедел әрі тиімді жауап беретін «Халық үніне құлақ асатын мемлекет» тұжырымдамасын іске асыру» міндетін қойды. Содан бері билік пен қоғам арасындағы байланыс механизмдері жетілдірілді.
«Халық үніне құлақ асатын мемлекет» қағидасын ұстану аса маңызды. Біз қоғамға іріткі салуды емес, елді ізгі мақсатқа жұмылдыруды ойлауымыз керек. Әділетті Қазақстан идеясының түпкі мәні – осы.
Мемлекет басшысының бастамалары Қазақстанның болашағын айқындайтындығын нақты жеткізе келе, алдағы жолдың қиындығына қарамай ауқымды саяси өзгерістерді ашықтық, әділдік және өзара сенім арқылы жүзеге асыруымыздың маңызылығына тоқталды.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
Мемлекет басшысының «Халық үніне құлақ асатын мемлекет» тұжырымдамасын орындаудың негізгі тетіктерінің бірі, ол – мемлекеттік органдар тарапынан жеке және заңды тұлғалардың өтініштеріне уақытылы және сапалы жауап беру.
Азаматтарға қолайлы болу үшін интернет-ресурста «Халықпен жұмыс» бөлімі ашылған, онда нормативтік-құқықтық актілер, жеке және заңды тұлғалардың өтініштері туралы және өтінішті қалай жолдау керектігі туралы ақпараттар орналастырылған.
Тұжырымдаманы іске асыруда «Ашық үкімет» жобасын атап айтуға болады. Оның мақсаты – ашық және халық алдында есеп беруге міндетті мемлекетті құру, азаматтардың мемлекеттік басқару саласындағы құқықтары мен мүмкіндіктерін кеңейту, жемқорлыққа қарсы күресті күшейту. Мәселен, «Ашық диалог» порталы мемлекеттік органдар мен қоғам арасындағы тиімді кері байланысты орнатуға арналған.
САРЫАҒАШ: АУДАН БАСШЫСЫ САРЫАҒАШ ҚАЛАСЫН АРАЛАП, ТҰРҒЫНДАР МӘСЕЛЕСІМЕН ТАНЫСТЫ
