М.Әуезов атындағы ОҚУ-да Қазақстан геологтары ғылыми мектебінің және металлогения ғылымының негізін салушы, геология-минералогия ғылымдарының докторы, профессор, Қаныш Имантайұлы Сәтбаевтың 125 жылдығы мен, 12 сәуір күні – «Ғылым күніне» арналған жас өспірімдердің ғылыми зерттеу мен шығармашылық қабілеттерін дамыту мақсатында Шымкент қаласы және Түркістан облысының жалпы орта білім беру мекемелерінің 8-11 сынып және кәсіптік білім (колледж) І-ІІ курс білім алушылары арасында ғылыми-зерттеу және шығармашылық жобалардың VII байқауы болып өтті, деп хабарлайды no-comment.kz ақпарат агенттігі.
Байқауға филология ғылымдарының докторы, «Әлеуметтік-гуманитарлық ғылымдар» ғылыми-зерттеу институтының директоры Боранбаев Сандыбай Режепұлы, тарих ғылымдарының кандидаты, М.Әуезов атындағы ОҚК, «Қазақстан тарихы» кафедрасының доценті Карибаев Сәрсебай Өскенұлы сынды ғалымдар жетекшілік жасады.
Сондай-ақ байқау төмендегідей секцияларды қамтыды:
гуманитарлық ғылымдар бағытындағы секциялар: Қазақстан тарихы; жалпы тарих; саяси қуғын-сүргін құрбандарын ақтау; археология; гуманитарлық ғылымдар бағытындағы секциялар: өлкетану; этнология; түркітану; мұрағат ісі; музей ісі; кітапхана ісі; мәдениеттану; құқықтану; халықаралық қатынастар; әлеуметтану; гуманитарлық ғылымдар бағытындағы секциялар: география және экономика; филология ғылымдар бағытындағы секциялар: тіл білімі және әдебиет (қазақ, тілі); филология ғылымдар бағытындағы секциялар: тіл білімі және әдебиет (орыс тілі); филология ғылымдар бағытындағы секциялар: тіл білімі және әдебиет (ағылшын тілі); педагогика және шығармашылық ғылымдар бағытындағы секциялар: педагогика, психология, өнер: (музыка; хореография, театр); бейнелеу өнері және дизайн, кәсіптік оқыту, дене шынықтыру және спорт (ұлттық спорт түрлері).
Байқауда 76 үміткер бақ сынады. Қатысушылар жүлделі орындармен және ынталандыру сыйлақтармен марапатталды.
