М.Әуезов атындағы Оңтүстік Қазақстан университеті «Механика және машинажасау» кафедрасының 6В07120 – «Машинажасау» БББ бойынша білім алушы студенттері Лес Серік Бекежанұлы, Құдайберген Бақтыбек Мейрбекұлы (ММГ-20-2к тобы), Сайдибаталұлы Омарбек (ММГ-21-2р тобы) кафедраның аға оқытушысы Сейтханов Азамат Мұхтарұлы жетекшілігімен Алматы қаласы Қазақ Ұлттық аграрлық зерттеу университетінің ұйымдастыруымен өткен XVI Республикалық пәндік олимпиадаға 2024 жылдың 25-26 сәуір аралығында қатысты, деп хабарлайды no-comment.kz ақпарат агенттігі.
«Машинажасау» БББ бойынша сайысқа түскен олимпиадаға еліміздің ЖОО студенттері қатысты. Олимпиада қорытындысы бойынша 6В07120 – «Машинажасау» білім беру бағдарламасы тобында жоғары нәтиже көрсеткені үшін ОҚУ-нің ММГ-20-2к тобы студенті Құдайберген Бақтыбек Мейрбекұлы жеңіске жетіп, І дәрежелі дипломмен марапатталды. Олимпиадағы қатысқан студенттерге және жетекшісі Азамат Сейтхановқа ҚазҰАЗУ Басқарма төрағасы – Ректор А.Күрішбаевтің Алғыс хаты берілді.
М. Әуезов атындағы Оңтүстік Қазақстан Университеті студенттерінің бұл жетістігі машина жасау саласындағы мамандарды даярлаудың жоғары деңгейінің айқын дәлелі болып табылады. Мұндай іс-шараларға қатысу студенттердің кәсіби әлеуетін ашуға ықпал етіп қана қоймайды, сонымен қатар университеттің білікті мамандарды даярлайтын білім беру мекемесі ретіндегі беделін нығайтады. Жеңімпазды және олимпиаданың барлық қатысушыларын лайықты танылуымен құттықтаймыз және оларға ғылыми-кәсіби қызметте одан әрі табыс тілейміз. Студенттер мен олардың тәлімгерлерінің бұл маңызды жетістігі университеттің академиялық беделіне айтарлықтай үлес қосады, сонымен қатар оның болашақ студенттер мен зерттеушілерге тартымдылығын арттырады.
