ЕЭК кеңесінің отырысында техрегламентке түзетулер мен тауарлардың жекелеген түрлеріне қойылатын талаптар қабылданды

ЕЭК кеңесінің отырысында техрегламентке түзетулер мен тауарлардың жекелеген түрлеріне қойылатын талаптар қабылданды

2024 жылғы 14 мамырда онлайн режимінде өткен ЕЭК кеңесінің кезекті отырысында тауарлардың жекелеген түрлеріне міндетті талаптарды белгілейтін техникалық регламенттер мен құжаттарға қатысты бірқатар түзетулер қабылданды. Қазақстандық тарапты вице-премьер Серік Жұманғарин басқарды, деп хабарлайды no-comment.kz тілшісі Премьер-Министрінің ресми ақпарат ресурсына сілтеме жасап.

Қабылданған шешімге сәйкес, тіс протездеріне арналған бекіткіш ұнтақтар мен пасталар, тіс щеткалары мен жіптер сияқты ауыз қуысының гигиенасына арналған құралдар мен бұйымдардың түрлері енді мемлекеттік тіркеуден өту арқылы бірыңғай санитариялық талаптарға сәйкестігі бағаланатын болады. Бұл ЕАЭО елдерінің нарықтарында белгіленген стандарттарға сәйкес келмейтін ауыз қуысы гигиенасына арналған құралдар мен бұйымдардың айналымын барынша азайтуға мүмкіндік береді. 

«Ойыншықтардың қауіпсіздігі туралы» техникалық регламентке өзгертулер қарсылықсыз қабылданды. Енді таңбалау жапсырмаларында «хош иістендірілген ойыншық», «жұмсақ ойыншықтар», «сылдырмақ», «дәм дағдыларын дамытуға арналған жиынтық», «иіс сезуді дамытуға арналған үстел ойындары», «дәм жинақтары» сияқты басқа да жаңа анықтамалар пайда болады.

Тауарлардың дамушы және аз дамыған елдерден шығуын айқындау қағидаларына өзгерістер пакеті мақұлданды. Бұл ережелер тарифтік преференциялар беру үшін қолданылады. Өзгерiстер тауарларды кедендiк ресiмдеу кезiнде шыққан жерін растау рәсiмiн оңайлатуға ықпал етеді. Атап айтқанда, тұрақты негізде түпнұсқаның орнына тауардың шыққан жері көрсетілген сертификатының көшірмесін немесе электрондық нұсқасын пайдалану мүмкіндігі болады. Тауарларды тасымалдау шарттарына қойылатын талаптар, тауардың шыққан жері көрсетілген сертификатты тексеру үшін үшінші елдердің электрондық дерекқорлары туралы ережелер және басқалары нақтыланды.

Сондай-ақ ЕЭК кеңесінде мемлекеттік сатып алу үшін тауарлардың жекелеген түрлерінің шығарылған елін айқындау қағидаларына өзгерістер енгізу мәселесі қолдау тапты. Негізгі өзгеріс мемлекеттік сатып алуға қатысу кезінде ұлттық режимді ұсыну үшін тауарлардың шығарылған елін айқындауға қатысты болды. Жаңа редакцияның арқасында бұл маңызды болмай қалады: сатып алу процесі жүргізілетін елдің немесе ЕАЭО-ға мүше басқа мемлекеттердің жеткізушілері тауар ұсынады.

Қазір оқылып жатыр

Толығырақ

Вице-премьер Қанат Бозымбаев, «Astana Group» негізін қалаушысы және төрағасы Нұрлан Смағұлов, «Банк ЦентрКредит» директорлар кеңесінің төрағасы...

Қазақстан Республикасының Премьер-Министрі Олжас Бектеновтің тапсырмасы негізінде Премьер-Министрдің орынбасары Серік Жұманғарин, ауыл шаруашылығы...