Бүгін Шымкентте қоғам қайраткері М.Тынышпаевтың 145 жылдық мерейтойы, сондай-ақ Қазақстан темір жолының құрылғанына 120 жыл толуына орай мектеп оқушылары арасында футболдан турнир өтті, деп хабарлайды No-comment.kz ақпарат агенттігі.
Еңбекші ауданы әкімдігі және Шымкент көлік колледжінің ұйымдастыруымен өткен турнирге аудандағы мектептердің 8-11 сынып оқушылары қатысты. Аталған спорттық турнирдің ашылу салтанатында Еңбекші ауданы әкімінің орынбасары Досалы Амангелдиев және М.Тынышпаев атындағы Шымкент көлік колледжінің директоры Ерзат Өтепбергенов сөз сөйлеп, турнирге қатысушыларға сәттілік тіледі.
— Футбол жарысы колледж студенттерін отансүйгіштікке, бірлікке, ортада өз ойымен бөлісуге, бір-біріне деген мейрімділікпен сыйластықты арыттыруға баулиды. Сондықтан ауа-райының қолайсыздығына қарамай турниге атсалысып отырған ұйымдастырушыларға, оқушыларға алғыс білдіремін.Ойыншыларға сәттілік. Мықтылар жеңіске жетсін!—деді Д.Амангелдиев.
Айта кетейік, спорттық турнирге іріктеуден өткен 12 команда қатысты. Жеңімпаздар жүлделі орындармен, бағалы сыйлықтармен марапатталды.
Турнир шиеленісті, бірақ достық атмосферада өтті. Әр команда жеңіс үшін күресте жоғары шеберлік пен табандылық көрсетті. Ойындар жарқын сәттерге, әдемі голдарға және қақпашылардың таңғажайып құтқаруларына толы болды. Жанкүйерлер мерекенің ерекше атмосферасын құра отырып, өз командаларын белсенді қолдады.
Ұйымдастырушылар мұндай турнирлер дәстүрге айналады және жыл сайын көбірек қатысушылар мен көрермендерді тарта отырып өткізіледі деп үміттенді. Олар жастардың дене дамуы мен салауатты өмір салтын насихаттау үшін осындай іс-шаралардың маңыздылығын атап өтті. Турнир мектеп оқушыларын, оқытушылар мен аудан тұрғындарын спорттық бәсекелестік пен достық рухында біріктірген жарқын оқиға болды.
