Дзюдодан Қазақстан командасы қазіргі таңда Алматы облысында дайындалуда. Бұл туралы команданың бас бапкері Нұрбол Сүлейменов мәлімдеді, деп хабарлайды No-comment.kz тілшісі Olympic.kz сайтына сілтеме жасап.
"Қазақстан ұлттық құрама командасы Париж Олимпиадасы алдындағы соңғы дайындығын пысықтап жатыр. Қазіргі таңда құрама Испаниядан елге аман-есен оралып, Алматы облысындағы Олимпиадаға даярлау орталығында оқу-жаттығу жиынын өткізіп жатыр.
Жаттығу жиыны 17 шілдеге дейіін жалғасады. Ұлттық құрама жазғы Олимпиада ойындарына осы жерден аттанады», - деді Қазақстан ерлер ұлттық құрамасының бас бапкері Нұрбол Сүлейменов.
Айта кетелік, Париж Олимпиадасында Елдос Сметов, Ғұсман Қырғызбаев, Данияр Шамшаев, Абылайхан Жұбаназар және Нұрлыхан Шархан сынға түседі.
