Қазақстандық боксшы Сәкен Бибосынов Париж Олимпиадасындағы алғашқы жекпе-жегінде жеңіске жетті, деп хабарлайды No-comment.kz - Olympic.kz сайтына сілтеме жасап.
51 келі салмақта бақ сынаған Бибосынов бірінші кездесуде 2024 жылғы Еуропа чемпионы Самет Гумушпен (Түркия) кездесті.
Бибосынов алғашқы раундты 4:1 есебімен өз пайдасына жазды. Екінші раундта ол басымдықты толық қолға алып, 5:0 есебімен жеңді.
Осылайша, кездесу соңына дейін басымдықты ұстап, жеңіске жетті.
Бибосыновтың ширек финалдағы қарсыласы - өзбекстандық Хасанбай Досматов.
