1993 жылғы 15 қарашада ұлттық валюта – теңге айналымға енгізілді. Бұл еліміздің тәуелсіздігін нығайтуға, нарықтық экономика құруға және дамытуға мүмкіндік берді. Биыл теңгеге 31 жыл болады, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
Сонымен қатар, бүгін еліміздің қаржы жүйесінің қызметкерлері де кәсіби мерекесін атап өтеді.
Осы уақыт ішінде Қазақстанның мәдени құндылықтары мен тарихын насихаттауға және қорғауға бағытталған ақша белгілерінің бірнеше сериясы шығарылды, былтыр цифрлық теңге бөлшек айналымға енгізілді. Бүгінгі таңда өмірімізге түрлі цифрлық технологиялар белсенді түрде енгізіліп, инновациялық қаржы өнімдері жасалуда.
Мереке құтты болсын! Барлық қаржы жүйесі қызметкерлеріне толағай табыс тілейміз!
