Астанадағы амфитеатрда «Астана сазы» Қазақ мемлекеттік фольклорлық ансамблінің концерті өтті. Өнер ұжымы дәстүрлі күй мен халық әндерін заманауи авторлық өңдеуде орындап, ұлттық мұраны жаңаша үлгіде паш етті, деп хабарлайды No-comment.kz - ҚР Мәдениет және ақпарат министрлігіне сілтеме жасап.
Концерттік бағдарламада жаңа туындылар мен эксклюзивті музыкалық композициялар ұсынылып, ансамбль әртістерінің шеберлігін айқын көрсететін бірегей музыкалық әуендер орындалды.
Іс-шараға Қазақстанның еңбек сіңірген қайраткерлері Айзат Қарабек, Ерболат Шалдыбеков, халықаралық конкурстардың лауреаты Жанту Дадабаев қатысты.
Бұл іс-шара «Қазақконцерт» мемлекеттік академиялық концерттік ұйымы ұйымдастырған «Grand Fest» музыкалық фестивалі аясында концерттік бағдарламалар сериясының бір бөлігі болды.
Ашық аспан астындағы амфитеатр сахнасы, жанды музыка және жанрлық ерекшелік - барлығы да түрлі буын өкілдерін өнер айналасына топтастыратын жылы әрі шабыт сыйлайтын атмосфераны қалыптастырды.
