Жаз мезгілінің басталуымен балалардың демалысын қауіпсіз әрі мазмұнды өткізу басты назарға алынды. Қарағанды облысы аумағында биыл 297 жазғы лагерь жұмыс істеп жатыр. Әр лагерьге жауапты инспектор бекітіліп, 500-ге жуық полиция қызметкері қоғамдық тәртіп пен балалардың қауіпсіздігін қамтамасыз етуде.
Ювеналдық полиция қызметкерлері лагерьлерде тәрбие сағаттарын өткізіп, балаларға құқық бұзушылықтың салдары, интернеттегі қауіп-қатерлер, бейтаныс адамдармен қарым-қатынас және өз құқықтарын қорғау жолдары туралы түсіндіру жұмыстарын жүргізіп келеді.
Тәртіп сақшылары ата-аналарды да бұл мәселеге бейжай қарамауға шақырады. Балалармен ашық сөйлесіп, қауіпсіздік ережелерін түсіндіру – ортақ жауапкершілік. Қауіпсіз және сенімді орта қалыптастыру баршамызға ортақ міндет.
