Вице-министр қазақстандықтардың өмірін едәуір жеңілдеткен цифрлық трансформацияға нақты мысалдар келтірді.
«Алғашқы мысалдардың бірі – жоғары оқу орнына түсу және жатақханаға қабылдау. Бұрын қабылдау комиссияларының жұмысы кезінде жоғары жүктеме байқалған: құжаттарды басып шығарып, әкелу, университетке жеке бару қажет болды, ал жатақханада тіркеуді растау процесі ұзаққа созылатын. Енді бұл процедураның барлығы қайта қаралды. Ғылым және жоғары білім министрлігімен бірлесіп қарапайым және ыңғайлы процестер құрылды: еGov.kz порталына кіру жеткілікті немесе EPVO жүйесіне өтініш беріп, жатақхана қажет екенін атап өтіңіз. Барлық қажетті құжат дерекқордан автоматты түрде жүктеледі», –деп атап өтті Дмитрий Мун.
Спикер жоғары оқу орындарына бару қажеттілігін болдырмаудың өзінен үнемдеу жылына шамамен 300 млн теңгені құрағанын хабарлады. Сонымен қатар ҰБТ сертификатын электронды форматқа көшіру жыл сайын тағы 83 млн теңгені үнемдеуге мүмкіндік берді. Нәтижесінде жоғары оқу орындарына түсу процесінің тиімділігі 92%-ға артты. Сондай-ақ реинжиниринг қорытындысы бойынша сәтті іске асырылған кейстердің бірі – еурохаттама. Бұл – жол полициясын шақырмай шағын ЖКО ресімдеудің жеңілдетілген тәртібі.
«Енді ішкі істер органдары қызметкерлерінің қатысуын талап етпейтін ЖКО кезінде барлық қажетті құжатты өз бетінше ресімдеуге болады. Бұрын, тіпті кішігірім апат кезінде де сақтандыру төлемін күту 40 күнге , полициямен рәсімдеу үш сағатқа дейін, ал сот шешімі 10 күнге дейін созылуы мүмкін еді. Реинжиниринг трансформациясының арқасында бұл процестің барлығы қайта қаралды және айтарлықтай жеделдеді», – деп қосты Дмитрий Мун.
Әділет министрлігімен бірлесіп атқарушылық іс жүргізуді қозғау процесі де жеңілдетілді. Вице-министрдің айтуынша, бұл процесс заңнамада көзделген әрекеттерді жүзеге асыру арқылы сот актілерін және басқа да міндетті шешімдерді мәжбүрлеп орындауға бағытталған. Бұрын бұл процесс жеке сот орындаушыларының қатысуымен жүрді, бұл айыппұл сомасының 25% - на дейін төлеу қажеттілігіне әкелді, азаматтарды борышкерлер тізілімінен шығару үшін көп уақыт қажет болды және жоғары қаржылық жүктеме тудырды. Енді процесс толығымен автоматтандырылды: борышкерлерді хабардар ету үшінші тұлғалардың қатысуынсыз тікелей SMS арқылы жүзеге асырылады. Өзгерістердің практикалық маңыздылығы әскерге шақырылушыларды есепке алу процесін көрсетеді. Нәтижесінде ақпарат жинау мерзімі 4 айдан 15 минутқа дейін қысқарды, ал экономикалық әсері 96 млн теңгені құрады.
«Бұған дейін жастар анықтамалар, қағаздар алып келуге тиіс болатын. Бүгінгі таңда процесс проактивті форматқа ауыстырылды. Мысалы, университетте оқитын студентке биыл комиссияға бармауына болатыны туралы SMS-хабарлама келеді. Алайда, одан заң бойынша бас тартуға да болады. Осылайша, азаматтар хабарлама алып, қажет болмаса, комиссияға бармайды», - деді Дмитрий Мун.
