«Қос мемлекеттің тарихы мен мәдениеті өзара шиелініседі. Біз арамыздағы достығымызды жалғастырамыз деген ойдамын. Жобаны көріп, маған дауыс берген барша көрерменге алғысымды білдіремін. Қазақ халқына көп рақмет айтқым келеді», – деді моңғолиялық өнерпаз.
Жобадағы қазылар алқасының Қытай елінен келген мүшесі Хун Бин де брифинг барысында сөз алып, байқау жайында өз ойын білдірді.
«Мен CCTV телеарнасынан осы жобаға қатысу жайында шақыру алдым. Бұл бағдарлама тек ән айту жағынан ғана емес, мемлекеттеріміз арасындағы мәдени байланысты арттыратынын сездім. Мен әрине, өте қобалжыдым. Жобаның финалы мені қуантты», – деді қазылар алқасының мүшесі.
Оның айтуынша, жақында келер жылы Қытайда жүргізілетін бағдарламаға дайындық бастау алады. Оның масштабын одан әрі кеңейту көзделіп отыр.
