11 қыркүйекте Қазақстан Республикасының Экология және табиғи ресурстар министрі Ә. С. Қуантыровтың БҰҰ-ның Қазақстандағы Тұрақты үйлестірушісі Саранго Раднарагчимен кездесуі өтті, деп хабарлайды No-comment.kz - ҚР Экология және табиғи ресурстар министрлігіне сілтеме жасап.
Тараптар қоршаған ортаны қорғау және орнықты даму саласындағы стратегиялық ынтымақтастықтың негізгі бағыттарын талқылады.
БҰҰ өкілдері қазақстандық тарапты 2026-2030 жылдарға арналған «Орталық Азияның тұрақты болашағының жалпы көрінісі» іс-қимыл Бағдарламасын іске асырудың аралық нәтижелерімен таныстырды. Кездесуге қатысушылар БҰҰ елдік командасы өткен 2026 жылғы өңірлік экологиялық саммитте қабылданған ұсыныстар мен бастамалардың практикалық іске асырылуын қолдай алатын тетіктерді қарастырды.
Қазақстанның БҰҰ-мен ынтымақтастығының басым бағыттарына ерекше назар аударылды: Мемлекет басшысының «Таза Қазақстан» бастамасын іске асыру, сондай-ақ Орнықты даму мақсаттарына қол жеткізу және БҰҰ-ның су ресурстарын сақтаудағы рөлі, үш Рио-де-Жанейра Конвенциясы шеңберінде климаттың өзгеруі және биоәртүрлілік мәселелері. Атап айтқанда, тараптар Қазақстан Республикасын биологиялық әртүрлілік туралы конвенция тараптарының конференциясына (COP17) және БҰҰ-ның климаттың өзгеруі туралы негіздемелік конвенциясы тараптарының алдағы конференциясына (COP31) дайындау жөніндегі алдағы қадамдарды талқылады.
Келіссөздер қорытындысы бойынша тараптар жаһандық және өңірлік экологиялық күн тәртібін табысты іске асыру үшін әріптестікті нығайту ниетін растады.
