Қазығұрт ауданында «Білімді ұлт: Терең білім, еңбекқорлық және отаншылдық қасиет» тақырыбында Тамыз конференциясы өтті. Аталған жиында аудан әкімі Арман Абдуллаев білім саласына еңбегі сіңген ұстаздарды арнайы марапаттады. Соның бірі -- Әбдіманап Найманбай.
Әбдіманап Беделбайұлы ҚР Оқу-ағарту министрі Асхат Аймағамбетовтің Алғыс хатына ие болды.
«Аманат» партиясының мүшесі Ә. Найманбай 1999--2014 жылдар аралығында мектеп қабырғасында абыройлы басшылық қызмет еткен. 2014 жылы Қазығұрт ауданы көлемінде «Үздік мектеп директоры» номинациясын иеленген. Педагогика саласында 33 жылдан бері талмай еңбек етіп келе жатқан ұлағатты ұстаз бүгінде «Қазығұрт» жалпы орта мектебінде тарих пәнінен сабақ береді.
ЕҢБЕК ЕЛЕНГЕН КҮН
