Түркістан қаласының әкімі Нұрбол Тұрашбеков алдын ала бекітілген кестеге сәйкес, тұрғындарды жеке мәселелерімен қабылдады.
Тұрғындардың басым көпшілігі тұрғын үй мәселесі бойынша келгендер.
Тұрғын үй кезегінде тұрған азаматтарға баспананың қолданыстағы заңға сәйкес, кезекпен берілетіні түсіндірілді.
Сондай-ақ, тұрғындардың инфрақұрылым саласы бойынша сауалдары сараланып, тиісті бөлім басшыларына тапсырмалар жүктелді.
Өзінің авторлық сәулеттік жобасымен келген тұрғынның ұсынысы мамандармен зерделеніп, заң аясында қолдау көрсетілетіні айтылды.
Ал, жұмыс іздеген азамат тұрақты жұмыс орнына жолданып, мәселесі шешімін тапты.
ӘКІМНІҢ КЕЗЕКТІ ЖЕКЕ ҚАБЫЛДАУЫ ӨТТІ: ЗАҢ - ОРТАҚ, ТАЛАП - БІР
