ҚР Мемлекеттік қызмет істері агенттігі төрағасының орынбасары Салауат Мүксімовтың айтуынша, осы уақыт аралығында қызмет көрсету барысында азаматтардан негізсіз артық құжат талап етуге байланысты 800-ден астам факті әшкереленді. Қызмет уақытылы көрсетілмей, азаматтарды әуре сарсаңға салу фактілері 18 мыңнан асып отыр, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
«Аталған бұзушылықтар негізінде, 900-ге жуық лауазымды тұлға тәртіптік, 259-ы – әкімшілік жауапкершілікке тартылды. Азаматтардың құқықтары толығымен қалпына келтірілді. Атап айтқанда, бұлар 1 млрд тенгеден астам түрлі субсидияларға, 400-ге жуық жер телімдеріне рәсімдеу құқықтарын қалпына келтіруге және тағы басқа игіліктерге қол жеткізумен байланысты», – деді спикер ОКҚ алаңында өткен баспасөз конференциясында.
