Ел мақтанышы, белгілі спортшы, V дүниежүзілік Көшпенділер ойынының жеңімпазы арыстық Азамат Мақұлбеков республика көлемінде өтіп жатқан маңызды саяси шара АЭС құрылысына қатысты референдумға қатысып, өз таңдауын жасады. Алыптар сайысының жеңімпазы Азамат қоғамның белсенді мүшесі ретінде елдің болашағына қатысты маңызды шешімдерден шет қалмауды азаматтық борышы санайтынын жеткізді, деп хабарлайды No-comment.kz ақпарат агенттігі.
Сондай-ақ, V дүниежүзілік көшпенділер ойынындарында көкпардан жеңіспен оралған Қазақстан ұлттық құрамасының мүшесі жетісайлық Абылайхан Нышанбеков пен Жетісай аудандық көкпар федерациясының Президенті Сабыр Айбеков, аудандық «Ұлттық спорт клубы» КММ басшысы Ерлан Райымбердиев бастаған бір топ шабандоздар Жаңа ауыл ауылдық округінің Ынтымақ елді мекенінде орналасқан №211 дауыс беру учаскесіне барып, өз таңдауларын жасады.
Түркістан: Дүниежүзілік көшпенділер ойындарының жеңімпаздары өз таңдауларын жасады
