Оның айтуынша, Digital Almaty 2025 жасанды интеллекті дамыту бойынша идеялар мен жобаларды көрсету үшін негізгі алаң болады. Форум 2025 жылғы 31 қаңтар мен 1 ақпан аралығында Атакент көрме кешенінің алаңында өтеді. Форум тақырыбы: «Industrial AI: жаңа дәуірге арналған технологиялар».
«Іс-шара экономиканы дамыту және жасанды интеллект саласындағы озық технологияларды ұсыну үшін шешімдер іздеудегі маңызды кезең болады. Digital Almaty өнеркәсіптік экожүйелерге, экономикаға, қаржы саласына, ESG, медицинаға, білімге және киберқауіпсіздікке AI құралдарын интеграциялау мүмкіндіктерімен таныстыратын ауқымды іскерлік бағдарламаны ұсынады. Форум алаңында өндірістерді трансформациялайтын «ақылды» фабрикаларды дамыту, жаңғырту мен автоматтандыру сынды AI-шешімдер ұсынылады», – деп атап өтті спикер.
Форумның ресми бөлігіне ЕАЭО елдері премьер-министрлерінің пленарлық отырысы өткізіледі. Биыл форумға Әзірбайжан, Беларусь, Қырғызстан, Ресей, Тәжікстан, Өзбекстан, Армения, Иран үкіметтерінің басшылары, сондай-ақ Еуразиялық экономикалық комиссия басшылары жиналады. Үкімет басшылары өңірлердің цифрлық күн тәртібін талқылайды: цифрландырудың негізгі жобалары, жасанды интеллекті енгізу және технологиялық дамудың бірлескен векторлары.
Пленарлық отырыс аясында дәстүрлі Digital Awards 2025 сыйлығы табысталады. Жасанды интеллект саласындағы елеулі жетістіктер атап өтіледі. Дәстүрлі аталымдардан бөлек, AI Movement бастамасының қорытындысы шығарылады.
«Өткен жылы Astana Hub Қазақстанда жасанды интеллект пен цифрлық технологияларды дамытуға бағытталған бірқатар бастаманы сәтті іске қосты. Мамандарды тартуға, жаңа кадрларды оқытуға және инновациялық жобаларды іске асыру үшін қажетті жағдай жасауға ерекше назар аударылды. Біз 3 жаңа номинацияны енгіздік», - деді Ахметова.
- Ең үздік AI-стартап-жасанды интеллект негізіндегі шешімдерді әзірлеу мен енгізуде жоғары нәтижелері бар стартаптар.
- AІ Quest TOP players-Astana Hub қосымшасындағы AI Movement екі квестінің қорытындысы бойынша үздік ойыншылар анықталады.
- Best AI Startup Ideas-Decentrathon 2.0 ең үлкен мультилокациялық Хакатонның жеңімпаздары анықталады.
