Мемлекеттік қызметтерді көрсету – бұл мемлекет пен қоғамның өзара іс-қимылының негізгі құрамдас бөліктерінің бірі.
Мемлекеттік қызмет істері агенттігі тарапынан азаматтардың құқықтары мен заңды мүдделерінің қорғалуы мен сеніміне ерекше басымдылық бере отырып, мемлекеттік қызметтер көрсету саласындағы мемлекеттік саясаттың іске асырылуын қамтамасыз ету болып табылады.
Осыған орай, Мемлекеттік қызмет істері агенттігімен сервистік және клиентке бағдарланған мемлекеттік аппаратты қалыптастыру және азаматтардың өтініштеріне жедел кері байланыс орнату мақсатында өткен жылы «EgovKZBot2.0» telegram бот платформасы іске қосылған.
Бұл бот платформасының басты мақсаты мемлекеттік қызмет көрсету сапасы мәселелері бойынша халықпен жедел кері байланыс орнату және туындаған сұрақтарға толыққанды ақпарат ұсыну.
Осы ретте, ағымдағы жылдың 7 наурызында Келес ауданының тұрғыны «EgovKzBot2.0» телеграмм боты арқылы «Бала туғанда берілетін және бала күтіміне байланысты жәрдемақыларды тағайындау» мемлекеттік қызметін алуға қатысты шағымын жолдаған.
Анықталғандай, шағым иесі 2025 жылдың 19 ақпанында Түркістан облысы бойынша «Мемлекеттік әлеуметтік сақтандыру қоры» акционерлік қоғамының филиалына әлеуметтік төлем тағайындау бойынша өтініш жолдаған.
Өтінішті қарау барысында жеке кәсіпкерлерден 2023 жылдың қыркүйек айы мен 2024 жылдың наурыз айларының арасында әлеуметтік аударымдарды Қазақстан Республикасының Әлеуметтік кодексінің 246-бабы бұзыла отырып, уақытылы төлемегені анықталған.
Осыған орай, Департаментпен шағым иесіне қоңырау шалынып туындаған кедергілер бойынша Қағида талаптарына сәйкес түсіндірмелер берілді.
Өз кезегінде, шағым иесімен 2025 жылдың 13 наурызында қажетті құжаттар топтамасы қайта жинақталып, өтініш берілген.
Нәтижесінде, шағым иесінің құқықтары қалпына келтіріліп,
2025 жылдың 18 наурызында әлеуметтік төлемді тағайындау туралы шешім шығарылған.
Атап өту қажет, бот платформасы арқылы ағымдағы жылы 30-ға жуық өтініш келіп түскен.
Абылайхан Дағыстанұлы Наурызбаев- Қазақстан Республикасының Мемлекеттік қызмет істері агенттігінің Түркістан облысы бойынша департаментінің басшысы, Әдеп жөніндегі кеңес төрағасы
