Ағымдағы жылдың 23 мамырында «Заң мен Тәртіп» идеологиясын нығайту аясында Алматы қаласының Сыбайлас жемқорлыққа қарсы қызметі Мақан Есболатов атындағы Алматы академиясында Сыбайлас жемқорлыққа қарсы іс-қимыл мәселелеріне арналған кеңес өткізді.
Іс-шараға Сыбайлас жемқорлыққа қарсы қызметтің басшысы Арман Рахимов, Академия бастығы Калижан Кобландин, Академия тыңдаушылары және жеке құрам қатысты.
Сондай-ақ, сыбайлас жемқорлықтың алдын алу мәселелеріне ерекше назар аударылды. Қатысушыларға сыбайлас жемқорлық тәуекелдерін азайтуға және қызметтік ортада адалдықты арттыруға бағытталған шаралар ұсынылды.
Жиын барысында құқық қорғау органдары қызметкерлерінің адалдығын тексеруге арналған Integrity Check тетігі аясындағы ынтымақтастық мәселелері де қаралды. Бұл құрал сыбайлас жемқорлық тәуекелдерін уақтылы анықтауға және ашықтық, жариялылық пен сенім қағидаттарына негізделген кадрлық саясатты қалыптастыруға мүмкіндік береді.
Өз сөзінде Сыбайлас жемқорлыққа қарсы қызмет басшысы Арман Рахимов құқықтық мемлекетті қалыптастырудағы жастардың маңызды рөлін ерекше атап өтті. Ол елдің болашағы жастардың азаматтық белсенділігіне, құқықтық санасы мен жауапкершілігіне, сондай-ақ адалдық, әділдік және парасаттылық қағидаттарына деген адалдығына тікелей байланысты екенін айтты.
