ӘЛ-ФАРАБИ АУДАНЫ: 144 КӨШЕ ЖАРЫҚТАНДЫРЫЛУДА

Шымкентте қаласының Әл-Фараби ауданында көшелерді жарықтандыру бойынша жұмыстар жалғасуда. Биылғы меже құрылыс қарқынын үдетіп, жоспарды 57%-ға жеткізу. Бұл туралы аудан әкімі Р.Мыңбаев шаһар басшысының халықпен есепті кездесуінде мәлімдеді.
Қала көшелерін жарықтандыру бойынша 2020 жылы 102 көше, 2021 жылы 124 көше жарқтандырылған болса, биыл 144 көше жарықтандырылуда. Ал жаңа жылдан бастап 169 көшені жарықтандыру жоспарға қойылған.
Жалпы орындалуға тиіс жұмыстардың қазірге дейін 43,4% атқарылды.
Сондай-ақ, 2021–2023 жылдары жоба аясында тұрғындардың жайлылығы мен қауіпсіздігі үшін 312 көше жарықтандырылатын болады. Нақтылап айтар болсақ, 2021 жылы 104 көше, 2022 жылы 102 көше, ал 2023 жылы 106 көшеге жарықшамдар орнатылатын болады. Осының нәтижесінде мегаполистегі көшелерді жарықтандыру көрсеткіші 70 %-ға жетеді.
Айта кетейік, қазіргі уақытта мегаполистегі 228 көше, 8 саябақ пен 32 гүлзарда және 1026 көпқабатты тұрғын үй аулаларындағы 43 016 көше шамдарына техникалық күтім жасалып жатыр.
Қазіргі таңда Тұран шағын ауданын электр энергиясымен қамту жұмыстарының екінші кезеңі жүргізілуде. ішкі жүйлерді қамту жыл соңына дейін аяқталса, жарықтандыру мен бағдаршамдар орнату 2023 жылға көзделген. Кәріз және табиғи газбен қамту жұмыстарының да кестеге сәйкес екінші кезегі жүргізілуде. Магистралды жүйелер орнатылған соң ғана ішкі жүйелер жүргізілмек.
Айтып өтейік, аумақты электр қуатымен қамту мақсатында мердігер "Туран Энерго групп" ЖШС құрылыс жұмыстарын жүргізуде. Ал "Энерго ресурс Шымкентгаз" ЖШС газ құбырларын тартумен айналысуда. Екі нысанның да құрылыс жұмыстары жыл соңына дейін аяқталып, абоненттеу жүргізіледі.
Көшелерді асфальттау 2023 жылдан бастап кезең-кезеңімен жүзеге асырылады. Қазір мұнда 22 көше бар. 4-і асфальтталған, 15 жолға тас төселген, қалған 3-і топырақ жол.
Шағынаудан балалары 1 мектеп, 3 балабақшада білім алады. Батыс бөлігіне 900 орынды мектеп салу үшін 2,46 га жер телімінің құжаты рәсімделіп, қазір жобалық-сметалық құжаты әзірленуде.
1 спорт алаңшасы ел иігілігінде, былтыр берілген.
10 көшенің екеуі жарықтандырылған. Осы жылы 1 көше, келесі жылы 2 көшені жарықтандыру жоспарға енген.
Биыл емханаға баратын ұзындығы 1 шақырым жолға асфальтбетон төселді. Кешенді жоспарға сәйкес 2023 жылы жалпы ұзындығы 6,4 шақырымды құрайтын Қайыңды, Дарабоз, Қапланбек, Таң нұры, Кеңістік және Имантау көшелеріне орташа жөндеу жұмыстары жүргізілетін болады.