Шымкент қаласының ішкі саясат және жастар істері жөніндегі басқармасының «Жастар ресурстық орталығы» КММ-нің ұйымдастыруымен дарынды жастар арасында «Жайдарман» ойындарының финалдық кезеңі өтті.
Аталған жобаның мақсаты – жастар арасында белсенділігі жоғары, «Жайдарман» ойындары арқылы жастардың интеллектуалды ойлау қабілетін арттыру, оларды ұлтжандылық пен шығармашылыққа тәрбиелеу, сондай-ақ мемлекеттік тілдің мәртебесін көтеру болып табылады. Жайдарман ойындарының мән-мағынасын, салмақты әзілдерді қолдану аясын түсіндіру және өскелең ұрпақты мәдениеттілікке баулу.
Жалпы аталмыш сайыстың маусымашар кезеңіне 33 команда қатысып, бүгін финалдық кезеңге жолдама алған 6 команда яғни, «Ақбұлақ», «NO COMMENTS», «Тамыр», «Бәрекелді кірпі», «Абырой», «Төле би» командалары өнер көрсетті.
Ойын барысында, екі сәлемдесуде 6 команда жекпе-жек ойын көрсетті. Атап айтқанда: «Ақбұлақ» және «NO COMMENTS» командалары, «Тамыр» және «Бәрекелді кірпі» командалары, «Абырой» және «Төлеби» командалары.
Жеңімпаз 3 команда финалдық ойында өз өнерін көрсетіп, нәтижесінде «Абырой» командасы жеңімпаз атанды, ІІ орын - «Бәрекелді кірпі» командасы, ІІІ орын - «NO COMMENTS» командасына бұйырды. Ал үздік ойыншы номинациясын «Бәрекелді кірпі» командасының ойыншысы Олжас Уалиханов иеленді.
Шымкент қалалық жастар ресурстық орталығында «Қазақстан КВН Одағы» республикалық жастар қоғамдық бірлестігінің ұйымдастыруымен «Республикалық Премьер Лига» жайдарман ойыны өткен еді.
Жайдарман ойынына республикамыздың түрлі облысы мен қалаларынан келген, жалынды жастардан құралған 21 команда, 167 жайдарманшылар бақ сынасты. Атап айтқанда, Нұр — Сұлтан, Алматы, Ақтөбе, Қызылорда, Көкшетау, Атырау, Қарағанды, Батыс Қазақстан облысы, Қостанай, Жамбыл, Павлодар, Шығыс Қазақстан облысынан қатысты.
Жайдарманның ең басты ерекшелігі — өз шығармашылығына өмірдегі, саясаттағы, жалпы қоғамдағы болып жатқан құбылыстарды өзек етуінде және де халықтың заманауи сұранысының талаптарына сай болуында. Сахна мәдениеті мен шеберлік, би, ән, мимика, сөйлеу мәнері, ой ұшқырлығы сияқты өнер атаулының түрлі жанрларын қамтитын аталмыш ойын тек шығармашыл жастардың орталығы.
Сонымен қатар, 16 -19 мамыр аралығында жайдарманшылар Шымкент қаласына саяхат маусымымен келген болатын. Шымкент қаласының әкімі Мұрат Дүйсенбекұлы Әйтеновтың қолдауымен қаланың көрікті жерлерін аралап, жастар ресурстық орталығының алдында жайдарманшылар арасында үстел теннисінен турнир өткізілді. Саяхат маусымының соңғы күнінде @jake_tau туристік агенттігінің қолдауымен Біркөлік шатқалында жайдарманшылар демалып, ойынды керемет көңіл — күймен бастады. Әлеуметтік желілерде жас жайдарманшылар Шымкент қаласының қонақжайлылығы мен жайдарман ойындарының жоғары деңгейде өткені жайлы қызу талқылауда, деп хабарлайды no-comment.kz ақпараттық агенттігі.
ҚАЛАЛЫҚ «ЖАЙДАРМАН» ОЙЫНДАРЫНЫҢ ФИНАЛДЫҚ КЕЗЕҢІ ӨТТІ
