Шымкент қаласы әкімдігінің ситуациялық орталығы бірыңғай 109 нөмірі арқылы және арнайы әлеуметтік желілер көмегімен қала тұрғындарына 24/7 тәртібінде қызмет көрсететін жалғыз орталық болып табылады. Мемлекет басшысының ’’Халық үніне құлақ асатын мемлекет” тұжырымдамасына сәйкес жүзеге асқан бірден-бір жоба. Президент Қасым-Жомарт Тоқаев: «Билік пен қоғам арасындағы диалог нығая түсті. «Халық үніне құлақ асатын мемлекет» тұжырымдамасына баса мән беріліп отыр. Бұл ауқымды жұмысты бүкіл қоғамымыз бірлесе атқарды. Дегенмен, осымен тоқтап қалуға болмайды. Бәріміз осы сара жолмен ілгері жүруіміз керек.
Тағы бір аса маңызды реформа – Президенттің бір ғана мерзімге сайлануы. Біздің аймақтағы қай мемлекетті алып қарасаңыз да, мұндай өзгеріс мүлдем болмаған. Сондықтан бұл реформа демократия жолындағы батыл қадам деп сенемін. Тәуекелге бел бусақ та, осындай шешім халқымыздың жарқын болашағы үшін керек деп кәміл сенемін» деп айтып өткен болатын.
Тұрғындар психологиялық және заң көмегі, жалпы тәжірибелік дәрігерге (терапевт) жазылу, қоғамдық көліктер мен тұрғындар көп шоғырланған жерлерде жоғалған не тауып алған заттар, еңбек қатынастары мәселелері бойынша қоңырау шалып, мәслелерін шеше алады, деп хабарлайды Шымкент қаласы әкімінің баспасөз қызметіне сілтеме жасаған no-comment.kz.
Қызмет түрлері:
- Ауланы абаттандыру;
- Ауланы жабдықтандыру;
- Отынмен қамтамасыз ету мәселесі;
- Қаланы сумен жабдықтау;
- Өндірістік жұмыстардан кейінгі қалпына келтіру;
- Газбен жабдықтау;
- Лифт жұмысы;
- Қалалық жол инфрақұрылымдары;
- Денсаулық сақтау;
- Жұмыспен қамту және әлеуметтік қорғау;
- Тұтынушылардың құқықтарын қорғау;
- Қоғамдық көлік;
- ПИК жұмысы;
- Тұрмыстық қалдықтар;
- Су басу;
- Ашық құдықтар;
- ТШК (су ,жылу, электр-энергия);
- БЖЗҚ бойынша;
- Білім беру мәселелері;
- Заң, тәртіп және тағы басқа мәселелер бойынша.
Мекен жайы: Бәйдібек би даңғылы, 116 "Наурыз парк" ТК.
24/7: 109 СИТУАЦИЯЛЫҚ ОРТАЛЫҒЫ ҚЫЗМЕТКЕ ДАЙЫН
