Бүгін аудан әкімі Ержігіт Шәріпбеков Ақбастау ауылдық округінің тұрғындарымен кездесіп, ағымдағы жылдың 8 айында атқарылған жұмыстардың барысымен таныстырды.
Жиында бұған дейінгі кездесулерде көтерілген мәселелердің орындалуы бойынша атқарылған жұмыстардан хабардар етті. Атап айтқанда аудан бойынша елді мекендерде ауыз судың төлем ақысын «Kaspi bank» арқылы төлеу мүмкіндігі қарастырылып банкпен келісім шарт түзілді. Қазіргі таңда абонеттер тізімін банктың базасына орнату жұмыстары жүргізілуде. Ақбастау елді мекеніндегі құрылысы жүргізіліп жатқан көшелерге тұрғын үйлердің маңынан ағын су өтетін өткелдер орнатылды. Ақбастау елді мекенінің орталық көшесіне бейне бақылау камерасын орнату бойынша аудан аумағында орналасқан елді мекендердің 55 жеріне 110 дана бейнебақылау камераларын орнатуға облыстық цифландыру басқармасына ұсыныс берілген. Осы ұсыныста Ақбастау елді мекенінің орталық көшесі қамтылған. Ақбастау елді мекеніндегі мәдениет үйін жөндеуден өткізу жұмыстарына ЖСҚ-сы әзірленіп, қаржы қарастырылуда. «Ауыл Ел-бесігі» жобасы аясында Ақбастау елді мекеніндегі 11 көшеге орташа жөндеу жұмыстары жүргізілуде.
Есепті кездесуде Ақбастау ауылдық округінің тұрғындар аудан әкіміне бірқатар өтініштер мен ұсыныс-пікірлерін айтты. Айтылған ұсыныс-пікірлер назарға алынып, қойылған бірқатар сұрақтарға жауаптар берілді.
Жиында аудан әкімі көтерілген мәселелерді шешу бойынша арнайы іс-шара жоспары жасалып, жүйелі жұмыстар жүргізілетінін атап өтті.
Ақбастау ауылдық округі тұрғындарымен өткен бүгінгі жиынға аудандық мәслихаттың төрағасы Асқар Кенехан, аудан әкімінің орынбасарлары мен аппарат басшысы, бөлім, мекеме басшылары қатысты.
Айта кетеін, Қазақстан Республикасы Президентінің 2019 жылғы 2 қыркүйектегі Қазақстан халқына Жолдауында Мемлекет басшысы «Азаматтардың барлық сындарлы сауалдарына жедел әрі тиімді жауап беретін «Халық үніне құлақ асатын мемлекет» тұжырымдамасын іске асыру» міндетін қойды. Содан бері билік пен қоғам арасындағы байланыс механизмдері жетілдірілді.
«Халық үніне құлақ асатын мемлекет» қағидасын ұстану аса маңызды. Біз қоғамға іріткі салуды емес, елді ізгі мақсатқа жұмылдыруды ойлауымыз керек. Әділетті Қазақстан идеясының түпкі мәні – осы.
Мемлекет басшысының бастамалары Қазақстанның болашағын айқындайтындығын нақты жеткізе келе, алдағы жолдың қиындығына қарамай ауқымды саяси өзгерістерді ашықтық, әділдік және өзара сенім арқылы жүзеге асыруымыздың маңызылығына тоқталды.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
Мемлекет басшысының «Халық үніне құлақ асатын мемлекет» тұжырымдамасын орындаудың негізгі тетіктерінің бірі, ол – мемлекеттік органдар тарапынан жеке және заңды тұлғалардың өтініштеріне уақытылы және сапалы жауап беру.
Азаматтарға қолайлы болу үшін интернет-ресурста «Халықпен жұмыс» бөлімі ашылған, онда нормативтік-құқықтық актілер, жеке және заңды тұлғалардың өтініштері туралы және өтінішті қалай жолдау керектігі туралы ақпараттар орналастырылған.
Тұжырымдаманы іске асыруда «Ашық үкімет» жобасын атап айтуға болады. Оның мақсаты – ашық және халық алдында есеп беруге міндетті мемлекетті құру, азаматтардың мемлекеттік басқару саласындағы құқықтары мен мүмкіндіктерін кеңейту, жемқорлыққа қарсы күресті күшейту. Мәселен, «Ашық диалог» порталы мемлекеттік органдар мен қоғам арасындағы тиімді кері байланысты орнатуға арналған.
БӘЙДІБЕК: АУДАН ӘКІМІ АҚБАСТАУ АУЫЛДЫҚ ОКРУГІ ТҰРҒЫНДАРЫМЕН КЕЗДЕСТІ
