Кентау қаласыныңң әкімі Жандос Тасовтың төрағалығымени кезекті аппараттық жиын өтті. Лездемелік жиынның күн тәртібінде бес мәселе қаралып, баяндамалар тыңдалды.
Алғашқы болып қалалық экономмика және қаржы бөлімінің басшысы И.Азизбаев бюджеттің оррындалуы бойынша, қалалық төтенше жағдайлар бөлімінің басшысы С.Төлегенов төтенше жағдайлардың алдын алу бойынша атқарылуы тиіс іс-шаралар туралы баяындады.
Қала басшысы алдағы жауын-шашын, қар жауатын мезгілдерде орын алу мүмкін төтенше жағдайлардың алдын алу бойынша қажетті шараларды атқару жұмыстарын тиісті сала басшыларына тапсырды.
Үшінші болып қалалық әлеуметтік қызмет көрсету орталығының басшысы Е.Балабеков орталықтың 9 айлық есебін баядап өтті.
Қала басшысы орталықта бірнеше қызмет көрсету жұмыстары барын алға тартып, халықты белсенді өмір сүруге бейімдеу шараларын жандандыруды тапсырды.
Әрбір жасалған баяндамада тек атқарылатын жұмыстарды ғана емес, нәтижелі жүзеге асырылған жұмыс барысын көрсете отырып баяндау керектігін ескертті.
Күн тәртібіндегі соңғы баяндама жасаған 109 байланыс орталығының басшысы Ж. Қожахмет мен қала әкімдігі аппаратының бас инспекторы-баспасөз хатшысы Ж.Алимбаева Кентау қаласы жайында шыққан сыни ақпараттар жайында баяндап өтті.
Баяндамашыларды тыңдаған қала басшысы қаладағы 4 сектор бойынша анықталған кемшіліктер мен тұрғындар тарапынан түскен шағымдарды дер кезінде назарға алып, жұмыс жүргізу керектігін нақты тапсырып, берілген жұмыстарды баяулатқан басшыларға шара көру керектігін ескертті. Әрбір берілген жұмыстың жүргізілу барысы өзінің жіті бақылауында болатынын атап өтті.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Еститін мемлекет» бірінші кезекте халықтың үніне құлақ салып, олардың мұң-мұқтажын ескеруі тиіс.
Мұны президент Қасым-Жомарт Тоқаев өз жолдауында атап өткен болатын. «Халық үніне құлақ асатын мемлекет» тұжырымдамасында халық пен билік арасында диалог болуы шарт деген бағытты барлық мемлекеттік қызметшілер ұстануы шарт.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Халық үніне құлақ асатын мемлекет» — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекет азаматтардың наразылығын күтпей, олармен араласу мүмкіндіктерін белсенді түрде іздейді. Бұл әртүрлі дауыстарды тыңдау мүмкіндігін қамтамасыз ету үшін белгілі бір қауымдастықтарға немесе қызығушылық топтарына жүгінуді қамтуы мүмкін.
Мемлекет азаматтардың саясаттың қалай тұжырымдалатынын және жүзеге асырылатынын түсінуін қамтамасыз ете отырып, шешім қабылдау үдерісінің ашықтығын көрсетеді. Мұндай ашықтық мемлекет пен қоғам арасындағы сенімді нығайтуға көмектеседі.
Азаматтарға олардың үлестері саяси шешімдерге қалай әсер еткені туралы кері байланыс тетіктерін құру өте маңызды. Бұл олардың дауыстары бағаланатынын және байыпты қабылданатынын көрсетуге көмектеседі.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
КЕНТАУ: КЕНТАУДА ТҰРҒЫНДАРДЫ БЕЛСЕНДІ ӨМІР СҮРУГЕ БЕЙІМДЕУ ЖҰМЫСТАРЫ ЖАНДАНАДЫ
