Төлеби ауданы әкімінің төртінші тоқсандағы алтыншы кездесуі Қоғалы ауылдық округіндегі Диханкөл ауылдық клубында өтті. Кездесуге аудан әкімі Төлеген Телғараев модераторлық жасап, ауданның әлеуметттік –экономикалық дамуының 8 айлық қорытындысын баяндап, ІІІ тоқсанда өткен кездесуде тұрғындар тарапынан көтерілген мәселелер бойынша атқарылған жұмыстарды таныстырды.
Диханкөл, Алшалы, Ұзанарық елді мекендеріндегі автомобиль жолдарының ұзындығы– 48,3 ш.қ құраса, ішкі көшелердің жарамдылығы – 91,0 %. Облыстық маңызы бар КХ-82 «Шымкент-Қасқасу-Көксәйек-Шымкент» автомобиль жолының 34-70 шақырымына (Диханкөл-Қасқасу-Зертас) орташа жөндеу жұмыстары жүргізіліп, Диханкөл елді мекенінде асфальт төселді. Нысан 2024 жылға өтпелі. «Ауыл-Ел бесігі» бағдарламасы аясында 4,2 шақырым болатын Алмалы көшесін орта жөндеуден өткізуге қаржы қарастырылып, қазіргі кезде асфальт төсеу жұмыстары жүргізілуде. 1,5 шақырымды құрайтын Жерұйық көшесі, 0,75 шақырымды Бірлік көшесін орта жөндеуден өткізуге жалпы құны 38 415,0 мың теңге болатын сметалық құжат әзірленген. Алдағы болатын бюджетті нақтылауға құжаттары ұсынылды.
КХТL-24 «Алшалы-Ұзынарық» аудандық маңызы бар автомобиль жолындағы көпірді күрделі жөндеу үшін ЖСҚ әзірленіп, мемлекеттік сараптама қорытындысы алынды. Құрылысын қаржыландыру үшін салалық басқармаларға бірнеше рет сұранысы берілды. Бюджеттен қаржы қаралмауына орай, жобаның мерзімі өткендіктен, қайта әзірлеуге (корректировка) жұмыстар жүргізілуде.
Округ аумағына 47,218 шақырым табиғи газ құбырлары тартылып, 635 ГШРП толық орнатылды. Құбырлар сығымдаудан өткізіліп, газ іске қосылды. Қазіргі кезде тұрғындар «ҚазТрансГазАймақ» АҚ-мен келісім-шарт түзіп, ішкі газ жүйелерін жүргізуде.
Ұзынарық елді мекенін таза ауыз сумен қамту бағытында 9000 м-ге диамерті 160мм құбыр, 1700 м-ге диамерті 110мм құбыр және 54 су құдықтары орнатылды. Бүгінгі таңда резервуар аумағы тегістеліп, қарауылхана, бактерицидтік ғимарат пен резервуардың құрылысы жүргізіліп, қоршау жұмыстары аяқталды. Жоба негізінде 1248 халық, 192 абонентті сапалы ауыз сумен қамтылды. Кіші Алшалы бойынша 1000 м-ге диамерті 110мм, 5000 м-ге диаметрі 63мм құбыр тасталып, көмілді. 22 су құдықтары орнатылды. Үлкен Алшалы бойынша 3500 м-ге диамерті 125мм, 1500 м-ге диаметрі 63мм құбыр тасталып, көмілді. 59 су құдықтары орнатылды. Резервуардың алаңшасы тегістеліп қоршау жұмыстары атқарылуда. Жобада 576 халық, 118 абонентті сапалы ауыз сумен қамтылды. Диханкөл елді мекенінде «Жаңғақты» бұлағынан келетін су аққы құбырын жүргізу үшін дайындық жұмыстары жүргізілуде. Аталған елді мекендердің ауыз су құрылысы 2024 жылы аяқталады.
Бұлақты, Бейбітшілік көшесіндегі тозығы жеткен электр жүйесі мен бағаналарын ауыстыру жұмысын «Оңтүстік Жарық Транзит» ЖШС-і 2024-2025 жылдарға жоспарлауда. Апатты жағдайдағы бағаналар кезексіз жарамды бағаналар есебінен ауыстырылатын болады.
Кездесу уақытының басым бөлігі сұрақ-жауап форматына арналғандықтан, аудан әкімі Төлеген Тұртайұлы округ халқын толғандырған сұрақтарға жауап беріп, олардың талап-тілектерін тыңдап, ұсыныс-пікірлерін назарға алды. Айтылған әрбір мәселенің сала мамандарымен шешу жолдарын кеңесіп, орындалу жолдары мен мерзімін түсіндірді. Билік пен бұқара арасын байланыстыруға бағытталған кездесуде тұрғындар ойларын ашық жеткізіп, еркін пікір алмасты.
Жылдың төрт тоқсанында өткен кездесулер халық қолдауына ие болып, ашық сұхбат жүргізетін алаңға айналуда.
Халыққа билікке деген сенімін нығайту бағытындағы кездесуде аудан басшысы тұрғындардың ұсыныс-пікірлерін тыңдап, айтылған мәселелердің алдағы уақытта кезең-кезеңімен шешу жолдары қарастырылатынын жеткізді. Кездесуде айтылған ұсыныстар мен өтініш-тілектер ескеріле отырып, іс-шаралар жоспары әзірленіп, бұл бағытта жұмыстар жүргізіледі. Округ халқы тарапынан туындаған сауалдарға аудан әкімі тиісінше жауап беріп, тұрғындар тілегі басты назарда екендігін атап өтті.
Мемлекет басшысы Қасым-Жомарт Кемелұлының «Халық үніне құлақ асатын мемлекет» тұжырымдамасы негізінде жүзеге асқан кездесу барысында округ халқы өздерін толғандырған сұрақтарын қойып, сала мамандарынан тұщымды жауап алды. Президенттің қоғам мен биліктің өзара ықпалдасқан іс-қимылының маңызды екеніне екпін беріп, азаматтарды ашық диалогқа шақыруға алған басқосу барысында аудан басшысы Төлеген Тұртайұлы көтерілген мәселелердің орындалу барысы мен шешу жолдарын түсіндірді.
Иә, билік бұқараға барынша жақын болуы керек. Бұл бағытта аудан әкімі ауданның 55 елді мекенін аралап, халықтың ұсыныс-пікірін тыңдап, олардың талап-өтініштеріне құлақ асып, өз құзыреті шегінде шешу жолдарын қарастыруда.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Еститін мемлекет» бірінші кезекте халықтың үніне құлақ салып, олардың мұң-мұқтажын ескеруі тиіс.
Мұны президент Қасым-Жомарт Тоқаев өз жолдауында атап өткен болатын. «Халық үніне құлақ асатын мемлекет» тұжырымдамасында халық пен билік арасында диалог болуы шарт деген бағытты барлық мемлекеттік қызметшілер ұстануы шарт.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Халық үніне құлақ асатын мемлекет» — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекет азаматтардың наразылығын күтпей, олармен араласу мүмкіндіктерін белсенді түрде іздейді. Бұл әртүрлі дауыстарды тыңдау мүмкіндігін қамтамасыз ету үшін белгілі бір қауымдастықтарға немесе қызығушылық топтарына жүгінуді қамтуы мүмкін.
Мемлекет азаматтардың саясаттың қалай тұжырымдалатынын және жүзеге асырылатынын түсінуін қамтамасыз ете отырып, шешім қабылдау үдерісінің ашықтығын көрсетеді. Мұндай ашықтық мемлекет пен қоғам арасындағы сенімді нығайтуға көмектеседі.
Азаматтарға олардың үлестері саяси шешімдерге қалай әсер еткені туралы кері байланыс тетіктерін құру өте маңызды. Бұл олардың дауыстары бағаланатынын және байыпты қабылданатынын көрсетуге көмектеседі.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
ТӨЛЕ БИ: ИНФРАҚҰРЫЛЫМ ЖҮЙЕСІ ЖАҢАРУДА
