Мемлекет басшысы Қасым-Жомарт Кемелұлының «Әкімдердің халықпен кездесулерін өткізу туралы» Жарлығына сәйкес, аудан әкімі Төлеген Телғараевтың төртінші тоқсандағы екінші кездесуі Қасқасу ауылдық округінде өтті. Жергілікті атқарушы органдардың ашықтығын, жауапкершілігін, есептілігін арттыру мақсатында өткен басқосуда аудан басшысы тұрғындарды толғандырған сұрақтарға жауап беріп, Төлеби ауданының әлеуметтік-экономикалық дамуының 8 айдағы қорытындысымен таныстырды.
Құрамында төрт елді мекені бар ауылдық округте табиғи газ тарту жұмыстары қарқынды жүзеге асуда. Бүгінгі күні үш елді мекенге көгілдір отын тарту ісі толығымен аяқталып, Кеңесарықта газ құбырларында тексеру жүргізілуде. Алатау бөктерінде орналасқан тамылжыған табиғаты бар Қасқасуда елді мекендердің ішкі көшелерінің жарамдылығы 89,0%-ға жеткен. Бұған қоса, аудандық бюджет есебінен Көктөбе және Тастақ, Қуандық, О.Тәжібайұлы, Сырғанақты көшесі көшелері орта жөндеуден өтті. «КХ-82 «Шымкент-Қасқасу-Көксәйек-Шымкент» автомобиль жолына орта жөндеу жұмыстары жүргізілуде. Нысан құрылысы 2024 жылы аяқталады. Майдатал көшесін орта жөндеуден өкізуге мердігер анықталып, тас төсеу жұмыстары жүргізілуде. Тұрғындарды сапалы ауыз сумен қамту бағытында Керегетас елді мекеніне 27,0 шақырым су құбыры тартылып, сыйымдылығы 300 м3 су қоймасы орнатылып, ауыз суды іске қосу үшін құбырлар тексерілді. Бұлақ басы каптаждалып біткен. Құрылыс жұмыстары толық аяқталған. Қабылдау жұмыстары жүргізілуде. Жоба бойынша 631 халық, 158 абонент ауыз сумен қамтылатын болады. Жоғарғы Қасқасу ауылының халқына ауыз су жеткізу үшін құжаттарын реттелуде.
Округ халқын электр қуатымен қамту бағытындағы жұмыстар жоспарға сай кезеңімен жүзеге асуда. Биылғы жылы Сарыбұлақ көшесіне 1,650 шақырым электр желісін жүргізіліп, 1 трансформатор, 60 бағана орнатылды. Майдатал көшесіне 2,3 шақырым электр желілері тартылып, 100 бағана және 1 трансформатор қойылды. Дәл осындай жұмыстар Өмірзақұлы Қозыбақ көшесінде де атқарылуда.
Туристтер көп баратын таулы аймақта түнгі жарықтандыру, аяқ жол салу мәселесі де шешімін тапқан. Елді мекендерде көркейту, көгалдандыру ісі жоспарға сай жүргізілуде. Президент тапсырмасына сәйкес, өз мақсатында пайдаланылмаған жерлер халық үшін ортақ жайылымдық жер ретінде қайтарылуда.
Кездесудің басым бөлігі сұрақ – жауап форматында өтіп, аудан басшысы Төлеген Тұртайұлы округ халқын толғандырған ағын су, ауыз су, табиғи газ, электр қуаты, көпір мәселелеріне қатысты сұрақтарына жауап берді. Еркін әңгімелесе отырып, тұрғындар ортақ мәселелерді шешу жолдары бойынша ой-пікірлерін, ұсыныстарын жеткізді. Аудан, округ аумағындағы жүзеге асып жатқан жобалардың, құрылыс жұмыстарының сапасына қатысты өтініштерін де жеткізді.
Аудан басшысы кездесулерде көтерілген сауалдар мен өтініштердің барлығы заң аясында кезең-кезеңімен шешімін табатынын және әр сауал жеке бақылауында болатынын жеткізді.
Кездесуден кейін аудан әкімі тұрғындарды жеке және ортақ мәселелері бойынша қабылдап, көтерілген мәселелер заң аясында шешімін табатынын жеткізді.
Айта кетеін, Мемлекет басшысы Қасым-Жомарт Кемелұлының «Халық үніне құлақ асатын мемлекет» тұжырымдамасы негізінде жүзеге асқан кездесу барысында округ халқы өздерін толғандырған сұрақтарын қойып, сала мамандарынан тұщымды жауап алды. Президенттің қоғам мен биліктің өзара ықпалдасқан іс-қимылының маңызды екеніне екпін беріп, азаматтарды ашық диалогқа шақыруға алған басқосу барысында аудан басшысы Төлеген Тұртайұлы көтерілген мәселелердің орындалу барысы мен шешу жолдарын түсіндірді.
Иә, билік бұқараға барынша жақын болуы керек. Бұл бағытта аудан әкімі ауданның 55 елді мекенін аралап, халықтың ұсыныс-пікірін тыңдап, олардың талап-өтініштеріне құлақ асып, өз құзыреті шегінде шешу жолдарын қарастыруда.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Еститін мемлекет» бірінші кезекте халықтың үніне құлақ салып, олардың мұң-мұқтажын ескеруі тиіс.
Мұны президент Қасым-Жомарт Тоқаев өз жолдауында атап өткен болатын. «Халық үніне құлақ асатын мемлекет» тұжырымдамасында халық пен билік арасында диалог болуы шарт деген бағытты барлық мемлекеттік қызметшілер ұстануы шарт.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Халық үніне құлақ асатын мемлекет» — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекет азаматтардың наразылығын күтпей, олармен араласу мүмкіндіктерін белсенді түрде іздейді. Бұл әртүрлі дауыстарды тыңдау мүмкіндігін қамтамасыз ету үшін белгілі бір қауымдастықтарға немесе қызығушылық топтарына жүгінуді қамтуы мүмкін.
Мемлекет азаматтардың саясаттың қалай тұжырымдалатынын және жүзеге асырылатынын түсінуін қамтамасыз ете отырып, шешім қабылдау үдерісінің ашықтығын көрсетеді. Мұндай ашықтық мемлекет пен қоғам арасындағы сенімді нығайтуға көмектеседі.
Азаматтарға олардың үлестері саяси шешімдерге қалай әсер еткені туралы кері байланыс тетіктерін құру өте маңызды. Бұл олардың дауыстары бағаланатынын және байыпты қабылданатынын көрсетуге көмектеседі.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
ТӨЛЕ БИ: АУДАН ӘКІМІНІҢ КЕЗДЕСУІ ЕРКІН ФОРМАТТА АШЫҚ ӘҢГІМЕЛЕСУ АРҚЫЛЫ ӨТТІ
