Түркістан облысы мәслихатының бекітілген шешіміне сәйкес, аудан әкімі Төлеген Телғараевтың төртінші тоқсандағы үшінші кездесуі Тасарық ауылдық округінде жалғасын тапты. Ауылдық клуб ғимаратында ұйымдастырылған басқосуда аудан басшысы 2023 жылдың 8 айында ауылдық округ аумағында жүзеге асқан жобалар мен ІІІ тоқсандағы кездесуде тұрғындар тарапынан көтерілген мәселелер негізінде атқарылған жұмыстар барысын баяндады.
Тасарық ауылдық округі бойынша автомобиль жолдарының жалпы ұзындығы – 51,087 шақырымды құраса, Оның ішінде елді мекендердің ішкі көшелері 34,6 шақырым, қанағаттанарлық жағдайы – 96,5 %. Биылғы жылы аудандық бюджет есебінен 0,88 шақырымды құрайтын Е.Ерназаров көшесіне 19,7 млн теңге бөлініп, ағымдағы жөндеуден өткізілді. Сметалық құжаты жаңартылып, алдағы бюджеттік нақтылауға ұсынылатын жолдар: Ханарық елді мекеніндегі жалпы ұзындығы 1,15 шақырым С.Рахимов, Мәуелі көшелеріне құны 14,6 млн теңгені құрайтын сметалық құжаттама әзірленіп, «Ауыл ел-бесігі» бағдарламасына ұсыныс берілген. Алайда қолдау таппады, қазіргі кезде сметасы қайта жаңартылуда. Алдағы болатын бюджетті нақтылуға қайта ұсынылатын болады.
Округ халқын толғандырған мәселелердің бірі – Ханарық елді мекеніндегі көпір. Бұл көпірдің құрылысын жүргізген мердігер мекемеге қатысты сот процесі аяқталып, сот үкімі шықты. Үкім бойынша мердігер «Қайнар-Құрылыс» ЖШС техникалық қадағалаушы «Глобус инжиниринг» ЖШС қатысты жазасы тағайындалып, жалпы соммадағы 22 559 027 теңге берешек қарызы мемлекетке қайтарылды. Қазіргі кезде көпірдің жобасын қайта әзірлеуге (корректировка) жобалау-іздестіру жұмыстары (смета на ПИР -19,2 млн теңге гидрогеологиясын, тех.обследованиясын, экспертизасын қосқанда) жасалып, жобалау-сметалық құжатының алғашқы жұмыстарын бастауға 4 924,0 мың теңге қаралып, «Улмад» ЖШС тарапынан жобаға түзету енгізу жұмыстары атқарылуда.
Округ аумағында табиғи газ мәселесі толық шешімін тауып, тұрғындар ауыз судан қамтылған. Электр желілерін жаңарту ісі кезеңімен жүзеге асуда. 2023 жылы Ханарық елді мекеніндегі А.Навой, Мәуелі, С.Рахимов көшелеріне 233 бағана орнатылып, электр желілері жүргізілуде. М.Әуезов, Т.Тоғысбаев көшелерінде электр бағаналарын орнату бойынша қазу жұмыстары жүргізілуде. Береке, Итемір әулие, Беласар, Алатау, Асар көшелеріндегі электр желілерін, бағаналарды ауыстырып трансформатор орнату үшін құны 73,8 млн. тг болатын ЖСҚ әзірленіп, қаржы бөлуге бюджеттік өтінім берілді. Саңлақ, Ақмола көшелеріне электр желісін жүргізу және трансформатор орнату үшін «Шымгеопроект» ЖШС тарапынан демеушілік есебінен ЖСҚ әзірлеуге тапсырыс берілді. Жыл соңына дейін сараптама қорытындысы алынып,2024 жылға қаржыландыруға ұсынылатын болады.
Сондай-ақ, 3,2 шақырымды құрайтын С.Рахимов көшесідегі электр желісі мен 1 трансформатор жыл соңына дейін ауыстырылады. Округ аумағына түнгі жарық шамдары орнатылып, аяқ жол салынған.
Бір сағаттан астам өткен кездесу барысында тұрғындар елді мекен аумағында атқарылған жұмыстарға қатысты ұсыныс-пікірлерін жеткізіп, сұрақтарын қойды. Халықтың талап-тілектерін тыңдап, мұң-мұқтажын назарынан тыс қалдырмайтын аудан әкімі Төлеген Тұртайұлы кездесу барысындағы көтерілген әрбір мәселенің орындалу жолдарын талқылап, егжей-тегжей түсіндірді. Бюджеттің негізгі табыс көзі салық түсімі екенін ескеріп, шағын және орта кәсіпкерлікке жол ашатын мемлекеттік бағдарламаларды түсіндірді. Жұмыссыздық деңгейін жою үшін Үкімет тарапынан көрсетілетін көмектер жайында әңгімелеп, жеңілдетілген несиелердің халыққа тиімділігін айтты.
Айта кетеін, Мемлекет басшысы Қасым-Жомарт Кемелұлының «Халық үніне құлақ асатын мемлекет» тұжырымдамасы негізінде жүзеге асқан кездесу барысында округ халқы өздерін толғандырған сұрақтарын қойып, сала мамандарынан тұщымды жауап алды. Президенттің қоғам мен биліктің өзара ықпалдасқан іс-қимылының маңызды екеніне екпін беріп, азаматтарды ашық диалогқа шақыруға алған басқосу барысында аудан басшысы Төлеген Тұртайұлы көтерілген мәселелердің орындалу барысы мен шешу жолдарын түсіндірді.
Иә, билік бұқараға барынша жақын болуы керек. Бұл бағытта аудан әкімі ауданның 55 елді мекенін аралап, халықтың ұсыныс-пікірін тыңдап, олардың талап-өтініштеріне құлақ асып, өз құзыреті шегінде шешу жолдарын қарастыруда.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Еститін мемлекет» бірінші кезекте халықтың үніне құлақ салып, олардың мұң-мұқтажын ескеруі тиіс.
Мұны президент Қасым-Жомарт Тоқаев өз жолдауында атап өткен болатын. «Халық үніне құлақ асатын мемлекет» тұжырымдамасында халық пен билік арасында диалог болуы шарт деген бағытты барлық мемлекеттік қызметшілер ұстануы шарт.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Халық үніне құлақ асатын мемлекет» — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекет азаматтардың наразылығын күтпей, олармен араласу мүмкіндіктерін белсенді түрде іздейді. Бұл әртүрлі дауыстарды тыңдау мүмкіндігін қамтамасыз ету үшін белгілі бір қауымдастықтарға немесе қызығушылық топтарына жүгінуді қамтуы мүмкін.
Мемлекет азаматтардың саясаттың қалай тұжырымдалатынын және жүзеге асырылатынын түсінуін қамтамасыз ете отырып, шешім қабылдау үдерісінің ашықтығын көрсетеді. Мұндай ашықтық мемлекет пен қоғам арасындағы сенімді нығайтуға көмектеседі.
Азаматтарға олардың үлестері саяси шешімдерге қалай әсер еткені туралы кері байланыс тетіктерін құру өте маңызды. Бұл олардың дауыстары бағаланатынын және байыпты қабылданатынын көрсетуге көмектеседі.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
ТӨЛЕ БИ: ТАСАРЫҚ АУЫЛДЫҚ ОКРУГІНДЕ ЖҮЗЕГЕ АСҚАН ЖОБАЛАР АУҚЫМДЫ
