Түркістан қаласында жалпы аумағы 250 мың шаршы метрден асатын 100-ден аса көпқабатты тұрғын үй салынады. Атап айтқанда, 9 қабатты 36 үй, 7 қабатты 40 үй және 5 қабатты 20 несиелік тұрғын үй бой көтереді. Сонымен қатар «Жаңа қала» аймағында инвесторлар есебінен көпқабатты 14 тұрғын үй кешенінің құрылысы басталмақ. Облыс әкімі Дархан Сатыбалды қала тұрғындарымен кездесуінде Түркістан қаласының тұрғын үй қорынан 2023 жылы 720 пәтер беру көзделгенін, оның ішінде көпбалалы 500 отбасына пәтер беру жоспарланып отырғанын жеткізді. Сондай-ақ Мемлекет басшысының киелі қалаға ерекше мәртебе беру жөніндегі тапсырмасын орындау бағытында тиісті жұмыстар басталған.
Соңғы жылдары Түркістан қаласында баспанаға мұқтаж отбасылардың уақыт кешіктірмей кезегімен үйлі болып жатқанын көріп жүрміз. Десе де мыңдаған жанның әлі де кезек күтіп отырғаны рас. Қазіргі таңда қала тұрғындарын баспанамен қамту жұмыстары қарқынды жүргізіліп жатыр десем қателеспеймін. Бұл қала әкімдігінің күн тәртібінде тұрған негізгі мәселелердің бірі. Бүгінгі күні Түркістан қаласының тұрғын үй кезегінде 15 мың 707 азамат тұрғын үйге мұқтаж ретінде тіркеліп тұр. Оның ішінде әлсіз топтағы — 6381, көп балалы отбасы — 4249, бюджеттік қызметкер -4874, тұл жетім және жалғыз баспанасы апатты деп танылған – 201 азамат бар. Осы сұрақты пайдаланып, соңғы үші жылда берілген пәтерлердің санын атап өткім келіп тұр. Тарқатып айтатын болсам, Түркістан қаласының әкімшілік-іскерлік орталығында 2020 жылдан бері 89 көпқабатты үйдің құрылысы басталған. Ол 360,6 мың шаршы метрді құрайтын жалпы саны 5 мың 649 пәтер.
Соның 2020 жылы 336 пәтері яғни 7 үй ипотекалық жолмен пайдалануға берілген. 2021 жылы дәл осындай 29 үйде 1 мың 921 пәтер кілті өз иелеріне табысталды. Ал, 2022 жылы 53 тұрғын үйде 3 мың 392 пәтер құрылысы жүргізіліп, жыл қорытындысымен 49 үйде 3 мың 155 пәтер пайдалануға берілді. Сіздің «тегін» деген пәтер кезектегі отбасыларға жалға берілген баспана. Бұдан бөлек жоғарыда атаған пәтерлердің 4 мың 488 ипотекаға берілсе, қалған 1 мың 161 жалға берілген. Сонымен бірге, 2021 жылдан бастап көпқабатты 4 298 пәтерлі 68 тұрғын үйдің құрылысы жүргізіліп, соның ішінде 2022 жылға 240 пәтер ипотека жолымен сатылып, пайдалануға берілді. Бұған қоса, ағымдағы жылдың маусым-қараша айларына бюджет есебінен 3140 пәтерді құрайтын 55 үй салу жоспарланған. Қалған 918 пәтерлі 7 тұрғын үйдің құрылыс жұмыстары келесі жыл тапсырылады деп жоспарлап отырмыз. Ретіне қарай тоқтала кетейін. Тұрғын үйлердің пәтерлері мемлекеттің «Нұрлы Жер» бағдарламасы аясында халыққа тиімді бағамен ұсынылуда. Нақты айтқанда пәтердің 1 шаршы метрі 180,0 мың теңге құрап отыр.
Сондай-ақ, коммерциялық және жеке инвесторлар есебінен 2020-2023 жылдары Түркістан қаласында көпқабатты 110 үй 4263 пәтердің құрылысы жүргізіліп, 1 мың 866 пәтерлік 60 тұрғын үй пайдалануға берілсе, қалған 50 үйді 2023-2024 жылдарға қабылдаудан өткізу жоспарланған. Ағымдағы жылы жалпы ауданы 138,0 мың шаршы метрді құрайтын 2 мың 100 пәтерлік 24 тұрғын үйді бюджет есебінен сатып алу жоспарлануда. Және де 2022 жылдың соңында үй кезегіндегілерге 104 пәтер берілсе, осы жылы 720 пәтер беру жоспарланып, оның 390-ы пәтер кезегінде тұрған азаматтарға үлестірілді.
2023 жылы жалпы 47,7 млрд. теңгеге 4 403 пәтерлі 66 тұрғын үйдің (4 – қала әкімдігі) құрылысы жүргізілуде. Оның ішінде 11,9 млрд. теңгені құрайтын 1062 пәтерлі 7 тұрғын үй 2024 жылға өтпелі. Қалған 35,7 млрд. теңгені құрайтын 3341 пәтерлі 59 тұрғын үйдің құрылысы биыл аяқталады деп көзделген.
Шаһарда осы бағытта жұмыс жүріп жатыр.
Биыл тұрғын үйлерді абаттандыру жұмыстары 10 нысанда, атап айтқанда жаңа стадион маңындағы 7 қабатты, 32 үйдің (9 үй қабылдаудан өткен) ауласын абаттандыру 7 учаскеге бөлініп, жүргізіліп жатыр. Барлық нысандардың құрылысы жыл соңына дейін аяқталады. Инженерлік инфрақұрылым жүйелері аяқталып, тұрғын үйлерге жалғанған. Ауласын абаттандыру жұмыстары 80 пайызы аяқталып, ойын алаңшалары орнатылған.
Қазақстан азаматтары мемлекеттен баспана алуға өтініш бере алады. Ол үшін тек бірнеше критерийлерге сәйкес келу қажет. Бүгінгі мақалада елімізде мемлекеттік тұрғын үй алуға кімдер өтініш бере алатынын, қандай құжаттар жинау керегін және кезекке тұру үшін қайда жүгіну қажеттігіне шолу жасаймыз.
Мемлекеттен тұрғын үй алу үшін мынаны ескеру керек:
– Әкімдікке қажетті құжаттарды жинау және беру (онлайн тапсыруға болады).
– Егер құжаттарда бәрі дұрыс болса – 30 күнтізбелік күн ішінде хабарламаны алу және кезекті бақылау.
– Тұрғын үй комиссиясының құжаттарды қарап, шешімді шығарады.
– Шарт жасасып, тұрғын үй алу кезегіне тұруға мүмкіндік алу.
Мемлекеттік тұрғын үй қорынан баспана алуға кім үміткер бола алады?
Еgov.kz-тің ақпаратына сәйкес баспана алуға кезекке қою үшін тиісті елді мекенде тұрақты тұру қажет.
– Ұлы Отан соғысының ардагерлері;
– Кәмелет жасына толмаған ата-анасынан айырылған балалар;
– «Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен наградталған көпбалалы аналар, көпбалалы отбасылар;
– Тұрмыс жағдайы төмен отбасылар;
– Мемлекеттік қызметкерлер, бюджеттік ұйым қызметкерлері, әскери қызметкерлер, ғарышкер болуға үміткерлер, мемлекеттік сайлаулы лауазым иегерлері;
– ҚР заңнамасында белгілен тәртіпке сәйкес жалғыз баспанасы апатты жағдайда деп танылған адамдар.
Өтініш бергенге дейін тұрғын үй қатынастарын реттейтін заңға сәйкес тұрғын үйге мұқтаж адамдар санатына кімдер кіреді:
– Мемлекеттік кәсіпорынның тұрғын үй қорынан немесе коммуналдық тұрғын үй қорынан тұрғын үйі жоқ Қазақстан Республикасының тұрғындары.
– Өтініш берген және оның нәтижесін алған кезде мемлекеттік мекеме қорынан тұрғын үйді иеленуге құқығы жоқ адамдар.
– Сатып алу құқығынсыз жалдамалы тұрғын үйі жоқ тұлғалар.
– Өтініш берген кезде тұрғын үйі тиісті техникалық және санитарлық нормаларға сәйкес келмейтін азаматтар.
– Бір (немесе бірнеше) басқа отбасылармен оқшауланбаған немесе іргелес аумақта тұратын отбасылар.
– Отбасында науқас бар, бір аумақта бірге тұру мүмкін емес Қазақстан Республикасының тұрғындары. Ол Қазақстан Республикасының Үкіметі бекіткен аурулар тізбесіне сәйкес болуы керек.
Пәтерге кезекке тұру үшін қандай құжаттар жинау керек
Қазақстан Республикасының азаматтары пәтер кезегіне тұру үшін бірнеше анықтама мен құжатты дайындауы қажет.
– Комиссия төрағасының атына өтініш (құжат нысанын тұрғын үй комиссиясы белгілейді).
– Өтініш берушінің және оның отбасы мүшелерінің жеке басын растайтын төлқұжаттардың немесе басқа құжаттардың көшірмелері.
– Егер өтініш беруші некеде болса немесе ажырасқан болса, онда неке туралы немесе оның бұзылуы туралы куәліктің көшірмелері.
– Қажет болса, барлық баланың туу туралы куәліктерінің көшірмелері.
– Отбасы мүшелерінің қайтыс болуы туралы куәліктердің көшірмелері (егер мұндай жағдай бар болса).
– Кадр бөлімінде алдын ала куәландырылуы керек еңбек кітапшасының көшірмесі, бар болса, қызметтік тізімнің көшірмесі.
– Өтініш берушіде оның отбасы мүшелері деп танылған басқа адамдар болған жағдайда – осы мәселе бойынша сот шешімі.
– Халықтың әлеуметтік осал санатына жататын қазақстандықтар үшін – халықты әлеуметтік қорғау бөлімінен анықтама және өтініш берген күні бойынша соңғы жылдағы табыс сомасы туралы құжат. Мүгедек баласы бар немесе мүгедек баланы тәрбиелеп отырған отбасылар үшін табыс туралы анықтама талап етілмейді.
– Мемлекеттік қызметшілер, бюджеттік ұйымдардың қызметкерлері, әскерилер, ғарышкерлер немесе ғарышкерлікке үміткерлер үшін жұмыс орнынан анықтама.
Қазақстан Республикасында тұрғын үйдің жоқтығы немесе бар екендігі, өтініш берушінің отбасы мүшелерінің тұрғылықты мекенжайы туралы мәліметтер тұрғын үй комиссиясына ақпараттық жүйелер арқылы қолжетімді, сондықтан бұл құжаттарды ұсыну қажет емес.
Қайда және қалай өтініш беру керек?
Азаматтарға ыңғайлы болу үшін мемлекеттік тұрғын үй алуға өтініш берудің екі жолы бар:
– «Азаматтарға арналған үкімет» мемлекеттік корпорациясына жеке өтініш. Өзіңізбен бірге дайындалған құжаттар пакеті болуы керек.
– egov.kz сайтына онлайн өтінім беру. Өтініш беру үшін алдымен жүйеге тіркеліп, авторизациядан өтіп, «Азаматтарды тіркеу және басымдылық» бөліміне өту керек. Содан кейін «Тіркеу және басымдық, сонымен қатар …» бөлімін басып, «Қызметке онлайн тапсырыс беру» опциясын таңдау керек. Онда санат кезегін таңдап, жүйе ұсынған барлық өріске ақпаратты енгізу керек. Мұнда сонымен қатар барлық құжатты цифрлық форматта тіркеп, ЭЦҚ сұранысына қол қою керек.
Қолданбаның ағымдағы күйін жеке кабинетте бақылауға болады. Ол үшін «Қызметтерді алу тарихы» бөліміне кіру керек. Өтінішті қарауға 30 күнтізбелік күн беріледі. Нәтижесі өтініш берушіге осы мерзім өткеннен кейін хабарлама түрінде келеді. Нәтиже тіркеу немесе тіркеуден бас тарту болуы мүмкін.
Тұрғын үй кезегіндегі нөміріңізді қалай білуге болады
Өтініш беруші үйден шықпай-ақ мемлекеттік тұрғын үй кезегінде өз нөмірін біле алады. Өтініш бойынша барлық ақпаратты egov.kz ресми сайтында оңай алуға болады. «Кезектегілер тізімін және тұрғын үй алған кезекте тұрғандар тізімін қарау» бөліміне өтіп, сұралған ақпаратты енгізу жеткілікті. Осыдан кейін пайдаланушы барлық өтініш берушінің тегі, аты, әкесінің аты, аймағы, ағымдағы нөмірі мен қойылған күні көрсетілген кестеге қол жеткізе алады.
Уақытты босқа өткізбей, мемлекеттік тұрғын үй алуға «өтініш берушілердің» толық тізімінен деректеріңізді іздемеу үшін сіз ЖСН нөмірін көрсете аласыз. Содан кейін сайт тек сіз іздеген ақпаратты көрсетеді.
БАСПАНА МӘСЕЛЕСІН ШЕШУДІҢ ТИІМДІ ЖОЛЫ ТАБЫЛДЫ
