Инклюзивті қала қағидатын енгізу әрі Алматының сапалы инфрақұрылымын дамыту қалалық әкімдіктің әрі біздің, яғни барлық аудандық әкімдіктердің басты міндеті болып табылады. Бұл туралы қала әкімі Ерболат Досаев Инклюзивті ортаны дамыту жөніндегі Кеңестің бірінші отырысында хабарлады.
Қала басшысы орталықсыздандыруды ескере отырып, осы бағыттағы оң өзгерістерді атап өтті – аудан әкімдері инклюзивті орта құру үдерісіне белсенді енгізілді. «Біз одан әрі орталықтандыруды жалғастырамыз, мен өкілеттіктермен, жауапкершілікпен және қаржылық ресурстармен бөлісуге дайынмын. Өткен жылы аудан әкімдеріне берілген өкілеттіктер қазірдің өзінде нәтиже көрсетті. Біз өз алдымызға өршіл мақсат қойып отырмыз, яғни 2030 жылға дейін қала тұрғындарына қолжетімділік қажет болатын барлық қалалық инфрақұрылым нысандарының одан әрі бейімделуін паспорттауды қамтамасыз ету, биыл алғашқы қадамдар жасағымыз келеді. Бізде қажетті қаржы ресурстары бар», — деп атап өтті Ерболат Досаев.
«Мен Алматы қаласының қаржылық инклюзия жөніндегі штаттан тыс кеңесші институтын біршама жетілдірдім. Біз арнайы жобалық команда құрдық. Енді осы бағытта қарқынды жұмыс істеуге мүмкіндігіміз бар, дәл осындай байланыстырушы буын жетіспеді», — деп толықтырды сөзін қала әкімі.
Естеріңізге сала кетейік, қалалық инфрақұрылым нысандарын паспорттау алғаш рет Алматыда жүргізілуде. 2023 жылы 7,5 мың нысан қамтылды. Әлеуметтік инфрақұрылымды бейімдеуді, атап айтқанда, емханаларда, ауруханаларда, ХҚКО-ларда пандустар, қосалқы тұтқалар, тактильді плиталар орнатуды 2025 жылдың соңына дейін жүргізу жоспарлануда. Келесі жылдың соңына қарай Алматыда әлеуметтік нысандардың 30%-ы мүмкіндігі шектеулі жандарға, ал 2030 жылға қарай қалалық нысандардың 75%-ы бейімделеді.
