Шымкент қаласы Білім басқармасының Әдістемелік орталығының ұйымдастыруымен Білім-инновация қыз балаларға арналған №2 лицей-интернаты базасында өткен семинарда кәсіби бағдар беру – қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыру мен болашақ мамандығын саналы түрде таңдауға көмектесу мақсатында «Болашақ бүгіннен басталады» тақырыбында тәжірибелік – семинар өтті, деп хабарлайды ақпарат агенттігі NO-COMMENT.KZ сілтеме жасап Шымкент қаласының білім басқармасыңа.
Аталған іс-шараға Шымкент қаласының Білім басқармасына қарасты Еңбекші ауданының білім беру ұйымдарының кәсіби бағдар беруші педагогтері қатысты.
Іс-шара барысында Алғы сөзді мектеп директоры «Білім-инновация» лицейлерінің кәсіби бағдар беру жүйесімен таныстырып, тыныс тіршілігін атап өтті, Әдістемелік орталықтың әдіскері Салибекова Мадина Шанабекқызы педагогтар мен психологтардың қажеттілігіне қарай ата-анамен байланыс арқылы оқушының қабілеті мен бейімділігін, кәсіптік ақпарат арқылы әр түрлі мамандықтардың маңызы мен мәні туралы түсініктер алатынын атап өтті.
«Кәсіби бағдар беруші кім?» Қожасова Нұр-Бану Лескенқызы, «Қазақстанның жоғары оқу орындарына тиімді дайындау жолдары» Құдайберген Жансая Қайратқызы, Кабылкаев Дукат «Кәсіптік бағдар беру» тақырыбындағы баяндамаларында іс-тәжірибелерімен бөлісіп, құнды ақпараттарды мәлімдеді.
Семинар соңында Мусаев Жандос Батиханұлы келген қонақтарды төрт топқа бөліп, «Brain Rain» интеллектуалдық ойынын жүргізді.
Семинар жоғары деңгейде өткізілді, қатысушылар іс-шараға белсенді қатысып, лицей педагогтерінен кері байланыс алды.
Жалпы, семинар қатысушылардың белсенді өзара іс-қимылын қамтамасыз ете отырып және оларға лицей педагогтарынан кері байланыс бере отырып, жоғары деңгейде өтті. Бұл іс-шара оқушылардың кәсіби өзін-өзі анықтауын қалыптастыруға ықпал етіп қана қоймайды, сонымен қатар оларға болашақ мансаптық жоспарларында ақпарат пен қолдау алуға мүмкіндік береді.
