Бүгін Шымкентте “Таза Қазақстан” атты жалпы республикалық экологиялық акциясы аясында қалалық сенбілік өтті, деп хабарлайды no-comment.kz ақпарат агенттігі. Өз қаласының өркен жаюына бейжай қарамайтын аудан әкімдіктері мен басқармалар білегін сыбанып, бір кісідей сенбілікке жұмылды. Аталған игі шара қаламыздың кейпін өзгертіп, түрлендіріп жіберетіні анық.
Осы орайда тұрғын үй басқармасының қызметкерлерінің тазалыққа деген ықыласы айрықша болды. Аталған сенбілік аясында Нұрсат мөлтек ауданындағы Измир көшесінің аумағы ирригация жүйелері, ағаштардың түптері қоқыстардан, тазартылды.
Сонымен қатар қызметкерлер аллеяның көгалды газондарын суғаратын су жүйлерінің сынған құбырларын қалыпқа келтіру жұмыстарын жүргізді.
Айта кету керек қаладағы гүлзарлы көшелер бүгінде қала көркін ажарландырып, көпшіліктің сүйікті демалыс орнына айналып үлгерген. Ендеше барша қала халқы мен қонақтарын табиғатты аялап, ұқыптылықпен мейірімділікпен қарауға шақырамыз.
Сенбілік сияқты экологиялық іс-шаралар қалада тазалық пен тәртіпті сақтауға көмектесіп қана қоймай, қоғамдағы экологиялық сананың маңызды негізін құрайды. Мұндай бастамалар азаматтарды қоршаған ортаны қорғауға белсенді қатысуға жұмылдырады және қалалық инфрақұрылымның тұрақты дамуы үшін қолайлы жағдай жасайды.
Көшелер мен қоғамдық орындарды қоқыстардан тазарту қала тұрғындарының өмір сүру сапасын арттырып қана қоймайды, сонымен қатар қаладағы биоәртүрлілік пен экологиялық тепе-теңдікті сақтауға ықпал етеді. Сумен жабдықтау мен суару жүйелерін қалыпқа келтіру қаланың жасыл аймақтары мен өсімдіктер әлемінің денсаулығын сақтауда да маңызды рөл атқарады.
Қоршаған ортаға ұқыпты қарау - болашақ ұрпақтың тұрақты дамуы мен әл-ауқатының кепілі. Осындай бастамаларға қолдау көрсету және қатысу арқылы біз бәріміз үшін жақсы болашақ жасаймыз.
“Таза Қазақстан” атты жалпы республикалық экологиялық акциясы аясында сенбілік өтті
