Болат Ханның туған жылы белгісіз. Болат Жәнібектің ұлы Жәдіктен тарайтын қазақ хандарының әулетіне жатады. Тәуке ханның ұлы, Жәңгір ханның немересі. Болат хандық билікті мұрагерлік жолмен өз әкесінен иеленді. Оның билігі Орта жүзге қарасты кейбір руларға: арғын, қыпшақ, уақ және наймандардың ішіндегі кейбір руларға жүрді. Тарихи деректерде оның ұрпақтарынан тек Әбіл сұлтан (Әбілмәмбет) ғана (1739 жылдан бастап хан атанған) белгілі.
Тәуке хан 1715 жылы дүние салып, Қайып хан аға хан мәртебесіне көтерілгеннен кейін, шамамен “Ақтабан шұбырынды…” басталған жылға дейін, Орта жүз Тәукеұлы Болат хан, одан оның інісі Сәмеке хан билік жүргізген. Болат хан Аңырақай шайқасы кезінде, яғни 1729-1730 жылдардың бірінде өмірден өтті. Болат хан өзінің әкесі Тәуке ханмен және бауыры Сәмеке ханмен бірге Қожа Ахмет Ясауи кесенесінде жерленген.
Нұрахметова.Қ - «Әзірет Сұлтан» Ұлттық тарихи-мәдени музей-қорығының экскурсоводы.
