Шымкентте Ұлттық домбыра күніне орай гала-концерт өтті

Шымкент қаласының «Shym City» шағын ауданындағы жаңа саябақ аумағында Ұлттық домбыра күні мерекесіне орай «Ұлттың рухы – Домбыра» атты гала-концерт өтті, деп хабарлайды No-comment.kz ақпарат агенттігі.

Іс-шара Ұлттық домбыра күні мерекесін халықтық сипатта насихаттау, қоғамды ұлттық мәдениет пен бірегейлікті сақтау мен қайта жаңғыртуға шақыруды мақсат еткен.

Ұлттық домбыра күні 2018 жылдан бері қазақтың төл аспабының күні ретіне тойланып келеді. Бүгін саябақта сахна мен алаң тақырыпқа сай, ұлттық нақышта безендірілген. Жергілікті өнерпаздар қала тұрғындарына халықтық дәстүрлі әндер мен күйлерді паш етті.

Мерекелік концертке «Шымкент концерт» концерттік ұйымының Қазақ ұлт аспаптар оркестрі, «Қазына» би ансамблі, «Қаған» этно-фольклорлық ансамблі және дәстүрлі әншілер мен күйшілер, шығармашылық үйірмелерінің 400-ге жуық домбырашысы қатысты.

Жалпы гала-концертке 500-ден аса өнерпаз тартылды.

Шымкент қаласында 3 шілдеден бастап халық көп шоғырланатын орындарда домбыра күніне орай бірқатар көпшілік іс-шаралар ұйымдастырылды. Бүгін де қалада қоғамдық орындарда дәстүрлі әндер мен күйлер орындалды.

Бұл оқиға музыканың адамдарды қалай біріктіріп, ұлттық мақтаныш сезімін арттыра алатынының жарқын мысалы болды. Концертке келушілер қазақ мәдениетінің байлығы мен алуан түрлілігін көрсеткен тамаша қойылымдарды тамашалады.
Гала-концерт орындаушылық шеберліктің жоғары деңгейін, сондай-ақ қазақ халқының тарихи дәстүрлерімен терең байланысын көрсетті. Ұлттық домбыра күнін мерекелеудің маңызды аспектісі қазіргі қоғамда ұлттық музыканы сақтау мен насихаттаудың маңыздылығына назар аудару болды.
Ұлттық домбыра күні елдің ұлттық бірегейлігі мен мәдени әртүрлілігін дамытуға ықпал ететін маңызды мәдени оқиғаға айналуда.