Қорғаныс министрлігінде «Азаматтарды әскери-техникалық және басқа да әскери мамандықтар бойынша даярлау» мемлекеттік қызмет реинжинирингі жүргізілуде. 2025 жылдың 1 қаңтарынан бастап әскери-техникалық мектепке және әскери-техникалық, басқа да мамандықтар бойынша даярлауға жіберу үшін кезекке қою жөніндегі қызметтерді енгізу жоспарлануда, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
Енді 40 күндік қызметке түсу үшін балалар қағаз құжаттарды жинап, тұрғылықты жері бойынша әскери комиссариаттарға тапсырып, өтініш жазып, кезекке тұруы керек, өйткені ӘТМ-те орын саны шектеулі.
«Қазір жұмысты Цифрлық даму министрлігіне қарасты «Ұлттық ақпараттық технологиялар» АҚ-мен белсенді жүргізіп жатырмыз. Бұл шешімдер цифрлық форматқа көшіру және трансформациялау ғана емес, сонымен қатар кейбір процесті өзгерту, өтініш беруші үшін оңайлату үшін қажет», – деп түсіндірді ОКҚ баспасөз конференциясында ҚР қорғаныс министрінің орынбасары Дархан Ахмедиев.
Бұдан бөлек, ведомство Астана қаласының әкімдігімен бірлесіп, №3 қалалық емхананың қатысуымен Алматы ауданындағы шақыру пунктінің базасында азаматтарды медициналық куәландыру процестерін цифрландыру бойынша пилоттық жобаға бастамашылық жасады.
Жүргізілген пилоттың нәтижесінде бұл бағыттағы цифрландыруды енгізу мынадай мүмкіндіктер беретіні анықталды:
- медициналық куәландырудың бизнес-процесін бақылауды автоматтандыру;
- электрондық медициналық жазбаларды пайдалану, медициналық комиссияның дәрігер мамандары мен медициналық мекемелер арасында медициналық ақпаратпен алмасу;
- әскерге шақырылғандардың әскерге жарамдылық дәрежесін анықтау үшін зертханалық және құрал-жабдықтық зерттеулерді цифрлық форматта алу;
- азаматтардың қанағаттануын арттыру және сыбайлас жемқорлық тәуекелдерін азайту.
Медициналық комиссияларды цифрландыру Шымкент пен Қарағанды облысында да басталды.
