Түркістан облысы Ордабасы ауданының бұрынғы әкімі Нұрбол Тұрашбеков Түркістан қаласының әкімі болып тағайындалды, - деп хабарлайды No-comment.kz тілшісі Түркістан облысы әкімінің баспасөз қызметіне сілтеме жасап.
«Түркістан облысы әкімі Өмірзақ Шөкеевтің өкімімен, Қазақстан Республикасы Президенті Әкімшілігі және Түркістан қаласының мәслихат депутаттарының келісімімен Түркістан қаласы әкімі қызметіне Нұрбол Тұрашбеков тағайындалды», - делінген әкімдік хабарламасында.
Ал, Түркістан қаласына тура екі жыл әкім болған Рашид Аюпов енді Түркістан облысы әкімінің орынбасары қызметін атқаратын болады.
