Өскеменде «Достық толқынында-2026» облыстық студенттер фестивалі өтті. Қазақстан халқының бірлігі күніне арналған фестиваль облыс орталығындағы Республика алаңында ұйымдастырылды, деп хабарлайды No-comment.kz - Шығыс Қазақстан облысының әкімдігіне сілтеме жасап.
Фестивальде Д. Серікбаев атындағы ШҚТУ Жоғары колледжінің, С. Аманжолов атындағы ШҚУ Жоғары колледжінің, Өскемен жоғары политехникалық колледжінің, Өскемен медициналық-стоматологиялық колледжінің, Өскемен жоғары медициналық колледжінің студенттері және Ұлан ауданы балалар музыка мектебінің тәрбиеленушілері өнер көрсетті.
Сонымен қатар Қазақстан-Американдық еркін университетінің, Д. Серікбаев атындағы Шығыс Қазақстан техникалық университетінің және С. Аманжолов атындағы Шығыс Қазақстан университетінің студенттері қатысты.
Іс-шара соңында облыс әкімі Нұрымбет Сақтағанов фестивальдің үздік қатысушыларын марапаттады.
Мерекелік кеш орталық субұрқақтың іске қосылуымен қорытындыланды.
