Оның айтуынша, форумда FIRST Tech Challenge-нің республикалық кезеңі өтеді. Жеңімпаздар Қазақстанды халықаралық жарыстарда таныстыруға мүмкіндік алады, сондай-ақ дрондар футбол лигасы өтеді.
Форумның басты шараларының бірі Industry AI Battle болады. Бұл - AI және цифрлық трансформация саласындағы стартаптар жарысы. Қатысушылар 60 мың долларды құрайтын жүлде қоры мен форум серіктестерінің гранттары үшін жарысады.
«Дәстүрлі стартаптар аллеясы 80-нен астам инновациялық жобаны ұсынады, бұл мыңдаған қонаққа, соның ішінде инвесторларға Қазақстанда ұсынылған жаңа идеялар туралы ақпарат алуға мүмкіндік береді», – деді спикер.
Робо-аймақта қазақстандық кәсіпорындарда қолданылатын түрлі роботтарды көруге болады. Өткен жылы Алматыда ЦДИАӨМ қолдауымен робототехника орталығы құрылды. Көрмеге келушілердің барлығы осы бірегей туындылармен жақынырақ таныса алады.
Форум ұйымдастырушыларының бірі болып табылатын Инновациялық технологиялар паркінің басқарушы директоры Digital Almaty 2025 – Қазақстанда осы уақытқа дейін әзірленген және дайындалып жатқан барлық туынды, жетістіктер мен жобалардың қорытындысы екенін айтып, сөзін қорытындылады.
