Оның айтуынша, 40 инфекция бойынша сырқаттанушылықтың төмендеуіне қол жеткізілді, оның ішінде коронавирустық инфекция 5,7 есе, лептоспироз 2,5 есе, сібір жарасы - 46,5%, Конго-Қырым геморрагиялық қызбасы – 40,6%, скарлатина – 39%, бруцеллез 19,5%, эхинококкоз 15,2%, қызылша 6,3%.
«Жедел респираторлық вирустық инфекция және тұмаумен сырқаттанушылықтың эпидемиологиялық маусымы жалғасуда, елімізде жыл сайын эпидемиологиялық маусымда қазаннан сәуірге дейін жедел респираторлық вирустық инфекцияның 4-5 млн жағдайы және тұмаудың 2 мыңға дейін жағдайы тіркеледі. Жалпы республика бойынша ағымдағы эпидемиологиялық маусымдағы сырқаттанушылықтың өткен жылдың сәйкес кезеңімен салыстырғанда 20%-ға төмендеуі байқалады», – деді спикер.
Эпидемиялық маусым басталғаннан бері тұмаудың зертханалық расталған 1686 жағдайы тіркелді. Оның ішінде А тұмауы (H1N1) – 92,5% (1559 жағдай), А(H3N2) – 0,9% (16 жағдай), В тұмауы – 6,6% (111 жағдай). Жалпы республика бойынша тұмауға қарсы 2,3 млн астам адам егілді, бұл республика халқының 11,6%-ын құрайды.
Пандемияның аяқталғанына қарамастан, халық арасында коронавирустық инфекциялармен сырқаттанушылыққа тұрақты негізде мониторинг жүргізіліп жатыр.
Биыл 1 қаңтардан бастап республикада коронавирустық инфекциялардың 51 жағдайы тіркелді. Өткен жылдың сәйкес кезеңімен салыстырғанда сырқаттанушылық 7 есе төмен. Бүгінгі таңда COVID-19 денсаулық сақтау саласындағы халықаралық маңызы бар төтенше жағдайды ретінде қабылданбайды. Ауру негізінен жеңіл өтеді, ауруханаға жатқызуды қажет етпейді, науқастар амбулаториялық жағдайда ем алады.
