Қазақстанда 17 мыңнан астам әскери қызметшіге «кредиттік демалыс» берілді. Сонымен қатар жедел қызмет сарбаздары үшін елдің жоғары оқу орындарында ақысыз оқу мүмкіндігі бар. Бұл туралы ОКҚ-да өткен баспасөз мәслихатында ҚР Қарулы Күштері Бас штабы бастығының орынбасары генерал-майор Сәкен Жүсіпов мәлімдеді, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
«Әскери қызметтің тартымдылығын арттыру бойынша жұмыстар жалғасуда. Бұл, ең алдымен, білім беру секторындағы жеңілдіктер мен несиелік демалыстарға қатысты. Жоғары оқу орындарына түскісі келетін мерзімді қызмет сарбаздары үшін «Сарбаз» цифрлық платформасы жұмыс істейді, ол сарбаздардың рейтингін автоматты түрде анықтайды және оларға жоғары оқу орнын таңдауға мүмкіндік береді», - деді Сәкен Жүсіпов.
Спикердің мәліметінше, бүгінгі таңда 1029 мерзімді қызметкер грант бойынша оқуға мүмкіндік алды, олар жауынгерлік және дене шынықтыру дайындығында жоғары нәтиже көрсетті. Бұдан бөлек, 17 мың әскери қызметшіге 6,6 млрд теңге сомасына «кредиттік демалыс» берілді.
«Қызмет барысында мерзімді сарбаз еңбек нарығында сұранысқа ие жұмысшы мамандығын игеруге мүмкіндік алады. Оқыту тиісті сертификаттар берумен өтеді», - деді ол.
