Бүгін «Түркістан қаласына ерекше мәртебе беру» аясында «Ұлттық ойындар – ұлтымыздың құнды мұрасы» және «Біз нашақорлыққа қарсымыз» ұранымен тоғызқұмалақтан ашық біріншіліктің ашылу салтанаты өтті, деп хабарлайды No-comment.kz ақпараттық агенттігі.
Шараға Түркістан қаласы әкімдігінің мәдениет, тілдерді дамыту, дене шынықтыру және спорт бөлімінің басшысы Қадырболат Мұсағалиев қатысып, шараның маңыздылығы мен ерекшеліктеріне тоқталып. жас буынға сәттілік тіледі.
Жарысқа 2010-2011, 2012-2013, 2014-2015, 2016-2018 жылдар аралығында туылған 200-ге жуық жасөспірімдер қатысуда.
Бұл жарыс ұлттық спорт түрін насихаттау, жас буынның арасында салауатты өмір салтын қалыптастыру және нашақорлыққа қарсы күресті күшейту мақсатында ұйымдастырылды.
