«AMANAT» партиясының фракция мүшесінің ұйытқы болуымен қасиетті Рамазан айында Еңбекші ауданындағы 550 мұқтаж отбасыға азық-түлік үлестірілді, деп хабарлайды No-comment.kz ақпараттық агенттігі.
Айта кетерлігі, азық-түлік себеттері аудандағы тұрмысы төмен отбасыларға тізім бойынша берілді. Қорапша ішіне ұн, май, макарон, күріш, шай сынды қажетті өнімдер салынған.
Жыл сайын көпбалалы, әлеуметтік жағдайы төмен, жалғызбасты аналарға және көмекке мұқтаж отбасыларға, қарттарға азық-түлік пен өзге де материалдық көмек көрсету ұйымдастырылады. Бұл үрдіс алдағы уақытта да жалғасын табады.
Іс-шараға «AMANAT» партиясының белсенділері, аудан әкімі, аудан тұрғындары, аумақ басшылары мен билер қатысты.
Шараға келген аудан тұрғындары жасалып жатқан игі істер үшін шынайы ризашылықтарын білдірді.
