Шымкент қаласы әкімінің орынбасары Руслан Берденов азаматтарды жеке мәселелері бойынша қабылдау өткізді. Іс-шарада тұрғындардың мәселелері тыңдалып, заң аясында шешу жолдары айтылды, деп хабарлайды No-comment.kz ақпараттық агенттігі.
Руслан Арысбекұлының қабылдауына жалпы 13 адам жазылған. Олар негізінен, жер телімдерін заңдастыру, жерді мұқтаждыққа алу бойынша туындаған мәселелерді көтерді. Тұрғындардың бәрі де жер қатынастары саласы бойынша шағымдарын жеткізді.
Қала әкімінің орынбасары азаматтардың сауалдарына жауап беріп, бәрі де заң аясында шешімін табатынын айтты. Тиісті басқарма өкілдеріне бірқатар тапсырмалар берілді.
